Isẹ 15:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ekuakua rẹ efe buebu re dia uwevwi rẹ ọvwata, ẹkẹvuọvo ọyangha re dia okọn rẹ ohwo umwemwu.

Isẹ 15:6 ပူးပေါင်းရင်းမြစ်များ

Une rẹ Ejiro 112:3

Efe kugbe igho hẹ evun rẹ uwevwi rọye; ọvwata rọye kọ dia rhiri bẹdẹ.

Une rẹ Ejiro 37:16

Emerha rẹ evwata vwori yoma nọ efe buebu re oruimwemwu vwori

Isẹ 10:22

Ebruphihọ rẹ Ọrovwohwo nẹrhẹ efe cha, ọ vwẹ enuebro ba-a.

Isẹ 13:22

Ohwo esiri ghwẹ jẹ uku vwo kẹ emọ vẹ ivwrọmọ rọye, ẹkẹvuọvo oruimwemwu kọn koko kẹ ọvwata.

Isẹ 15:16

Emerha rẹ ohwo vwori vẹ oshọẹdjẹ rẹ Ọrovwohwo na, yovwi nọ efe buebu rọ vọnre vẹ ukpokpogho.

Isẹ 15:5

Ẹkpa re jẹ uchebro rẹ ọsẹ rọye fia, ẹkẹvuọvo ohwo rọ reyọ uchebro yẹ ovwaghwanre.

Isẹ 15:7

Ẹbẹrunu rẹ ọvwaghwanre ghwoghwo erianriẹn, ọ dia ọtiọye kẹ iroro rẹ ohwo oghenghẹ-ẹn.

Isẹ 16:8

Emerha ra wan ọvwata vwo yovwi nọ efe buebu ra wan oshenyẹ vwo.

Isẹ 21:20

Efe eghaghare a mrẹ vwẹ uwevwi rẹ ọvwẹghwanre ẹkẹvuọvo ẹkpa me guọghọ ayen kufia.

Isẹ 3:33

Ekan rẹ Ọrovwohwo ọ hẹ enu rẹ uwevwi rẹ oruimwemwu na, ẹkẹvuọvo o bruphihọ kẹ ẹdia rẹ ọvwata.

Isẹ 8:21

mi bono efe kẹ ihwo re guọnọ ovwẹ, me me ghwẹ ekpo rayen vọn.

Aghwoghwo 4:6

Oyovwi kẹ obọ ọvo rọ vọnre vẹ ufuoma nọ abọ ivẹ re vọnre vẹ owian vẹ odju re nene họnra.

Hibru 11:26

O de roro nẹ ekan ra harhe ohwo fiki ri Kristi re ma dia efe rode nọ efe rẹ Ijipt, fikiridie ọ vwẹ ẹro so osa na.