Isẹ 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ibiẹro rẹ Ọrovwohwo mrẹ asan kasan ejobi, ọ rọ rhẹrẹ iruimwemwu vẹ ohwoesiri ejobi,

Isẹ 15:3 ပူးပေါင်းရင်းမြစ်များ

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

ỌBE RẸ JOB 24:23

Ọ kẹ ayun omafuvwe, a da chọ ayen uko; ẹro rọye nẹ idjerhe rayen.

ỌBE RẸ JOB 28:24

Kidie ọye ri mrẹ te oba rẹ akpọ na, ọ me mrẹ emu kemu ro hẹ otọ rẹ idjuvwu.

ỌBE RẸ JOB 31:4

Ọ rha mrẹ idjerhe mẹ-ẹ, ro de kerẹ ichiyotọ mẹ-ẹ?

Une rẹ Ejiro 33:13

Ọrovwohwo dia obo odjuvwu de nẹ otọ, ọ mrẹ emọ re ihwo re akpọ ejobi,

Isẹ 15:4

Ẹrẹnvwe bọrọbọrọ ọye urhe ra arhọ, ẹkẹvuọvo echobọr da herọ kọ guọghọ erhi.

Isẹ 5:21

Kidie idjerhe rẹ ohwo rẹ akpọ rhie phihọ vwẹ obaro rẹ Ọrovwohwo na, ọ rọ rhẹrẹ ichiyi rọye ejobi.

Jerimaya 16:17

Kidie ibiẹro mẹ mrẹ idjerhe rayen ejobi, e djahe kẹ vwẹ-ẹ, umwemwu rayen je djahe kẹ ibiẹro mẹ-ẹ.

Jerimaya 23:24

Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.