Isẹ 13:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

Isẹ 13:4 ပူးပေါင်းရင်းမြစ်များ

Jẹnẹsis 26:32

Ẹdẹ yena vuọvo na idibo rẹ Aizik da rhe vuẹ kpahe orhare rẹ ayen tọnre, ayen da ta ke, Avwanre mrẹ ame re.

Une rẹ Ejiro 92:14

Ayen je mọ emamọ vwẹ evun re ọghwo rayen, ayen vọnre vẹ ame wọnwọnwọn vwẹ ọke ejobi,

Isẹ 10:4

Obọ rẹ ọvwiẹrẹ ghwa ogbere cha, ẹkẹvuọvo obọ rẹ ọgba me rha ghwa efe rhe.

Isẹ 11:25

Ohwo ro ruẹ ẹse ọye ri fe, ohwo ro kuẹ ame kuẹ emu ra kọnre eriyin e ji ku ame kuo.

Isẹ 12:11

Ohwo ro voro udju rọye ọye re mrẹ emu ria, ẹkẹvuọvo ohwo ro gbe osoghoro nene emu ofefe vwo ọhọ-ọ,

Isẹ 12:24

Obọ rẹ ohwo ro vwo odiri che suẹn, ẹkẹvuọvo ọvwufeti ka cha gba vwọ wian owian.

Isẹ 12:27

Ovwufeti sa djẹ eranvwe rọye muẹ-ẹ, ẹkẹvuọvo ohwo ro vwo erhiori che vwo omamọ rẹ efe.

Isẹ 13:3

Ohwo rọ serọ rẹ unu rọye che sivwi arhọ rọye; ọ rọ rhie unu rọye phihọ tẹ ẹtan cha họrhọ ro ughwu.

Isẹ 13:5

Ofian ẹvwọrọn tuẹ ọvwata oma, ẹkẹvuọvo ohwo umwemwu vọnre vẹ omẹrhaphiẹ vẹ omavovwẹ.

Isẹ 20:4

Ọvwiẹrẹ voro vwẹ ọke evwru-u; kọ guọnọ vwẹ ọke orhọ yọ gbẹ mrẹ vu-un.

Isẹ 21:25

Ẹguọnọ rẹ ọvwiẹrẹ ọye ri hwe kidie abọ rọye guọnọ owia-an.

Isẹ 21:5

Iroro rẹ ohwo rọ vwẹ ẹro te otọ je yovwo-o, ẹkẹvuọvo ohwo ro bru okpakpa che fiabọ.

Isẹ 24:30

Me wan udju rẹ ọvwiẹrẹ vrẹn, kugbẹ ọgba rẹ ohwo oghenghẹn;

Isẹ 24:31

nighe odin din rhurho ejobi; ekpia de si rhurhu otọ na.

Isẹ 26:13

Ọzuọn ọye re ta nẹ, Okpohrokpo hẹ obo idjerhe na! okpohrokpo ọ hẹ osuada na!

Isẹ 28:25

Ọvwurhuru sua ohọnre, ẹkẹvuọvo ohwo rọ vwẹ ẹro so Ọrovwohwo che fe buebu.

Isẹ 6:6

Yan bru emeraranvwe na, E Ọvwiẹrẹ na, yono uruemu rọye, rere wọ ghwanre.

Isẹ 8:34

Aghọghọ kẹ ohwo rọ kerhọn mẹ, rọ rhẹrẹ vwẹ anurhoro mẹ kẹdẹ kẹdẹ, rọ hẹrhẹ vwẹ oma rẹ ẹchẹ mẹ.

Solomon 5:3

Mi ku ewun mẹ nu, komavọ mi vwo se kuo phihọ? Me hworhẹ awọ mẹ nure, komavọ me rha vwẹ ayen gbe otọ?

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Ukeri 23:10

Ono ri se kere ibiekpẹn rẹ otọ ri Jekọp, eyẹ se keri ẹkẹn ẹne rẹ Izrẹl? Jẹn uvwe ghwu ughwu rẹ ọvwata, rere oba mẹ họhọ Ọtiọye!

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Hibru 6:11

Avwanre ji phiẹrohọ nẹ ovwan ji phi obọ phihọ uruemu esiri na vẹ ẹroẹvwọsuọ rhiri rhi te oba.

Joshua 7:3

Ayen de rhivwi bru Joshua rhe, rhe ta kẹ nẹ, E jẹn ihwo na ejobi ra-a, ẹkẹvuọvo e jẹn ihwo uriori ivẹ eyẹ erha re phi Ai; e jẹn ihwo na ejobi ra laghoma vwẹ oboyi-i, kidie ayen epha hahavwe.