Isẹ 13:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ohwo rọ serọ rẹ unu rọye che sivwi arhọ rọye; ọ rọ rhie unu rọye phihọ tẹ ẹtan cha họrhọ ro ughwu.

Isẹ 13:3 ပူးပေါင်းရင်းမြစ်များ

Une rẹ Ejiro 141:3

Gba ọgba phihọ unu mẹ, E Ọrovwohwo, Sẹro rẹ ẹchẹ rẹ ẹbẹrunu mẹ!

Une rẹ Ejiro 34:13

Sẹro re ẹrẹnvwe wẹn nẹ umwemwu eruo, rẹ wo si ẹbẹrunu wẹn nẹ ophiẹnvwe.

Une rẹ Ejiro 39:1

Me da ta, Me sẹro rẹ idjerhe mẹ, rere ẹrẹnvwe mẹ vwo je imwemwu eruo; Me vwẹ ufi mu unu mẹ, vwẹ ọke re iruimwemwu da hẹ obaro mẹ.

Isẹ 10:14

Ihwo ri vwo ẹghwanre eye re sa sẹro rẹ erianriẹn, ẹkẹvuọvo ọgbota rẹ ohwo ghenghẹn ọye re ghwa ẹghwọrọ cha.

Isẹ 10:19

Ohwo da dia ọgbota, riẹn nẹ oruchọ karobọ-ọ, ẹkẹvuọvo ohwo rọ sa yọnrọn unu rọye ọvwiroro oruẹ.

Isẹ 10:8

Ohwo rọ ghwanre vwẹ udu sa yọnrọn irhi, ẹkẹvuọvo ohwo ughenghẹn rọ ta ọpata cha họrhọ rua idẹbono.

Isẹ 12:13

Ufi che mu oruimwemwu na fiki rẹ ọtachọ rẹ unu rọye, ẹkẹvuọvo ọvwata cha vabọ rẹ ukpokpogho ejobi.

Isẹ 13:4

Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

Isẹ 14:3

Ota rẹ ẹkpa ọyẹ ophiaphiẹ re vwo hwe, ẹkẹvuọvo unu rẹ ọvwaghwanre ọye ri sivwẹ ayen.

Isẹ 18:21

Ughwu vẹ arhọ hẹ evun rẹ ogangan rẹ ẹrẹnvwe, ihwo re guọnerọ ke cha re emamọ rọye.

Isẹ 18:7

Unu rẹ ẹkpa ọye ri hwe, igbenu rọye nẹrhẹ ufi muọ.

Isẹ 20:19

Ohwo rọ ta ọpata vẹn umẹ, vwẹ ọtiọye na wọ rha vwẹ oma te ohwo ro muẹ eta ta-a.

Isẹ 21:23

Ohwo ro sẹro rẹ unu rọye vẹ ẹrẹnvwe rọye, kọ je sẹro rẹ oma rọye nẹ ukpokpogho.

Jems 1:26

Ọ da dianẹ ohwo rori nẹ ọye ọgba rẹ egagọ, rọ sẹro rẹ ẹrevwe rọye-e, ẹkẹvuọvo rọ da phiẹn udu rọye, yẹ egagọ rẹ ohwo yena ofefe.

Iguẹdjọ 16:11

Ọ da ta kẹ aye na nẹ, Ọ da dianẹ ayen reyọ irihrẹ ekpokpọ ra je vwọ gba emu-u, vwọ gba vwẹ, oma kọ cha lọhọ ovwẹ, ke me cha dia kerẹ ohwo ghevweghe.

Iguẹdjọ 16:17

Ọ da vwẹ iroro rọye ejobi phia kẹ aye na nẹ, A vwẹ arẹn te uyovwi mẹ-ẹ; kidie mẹvwẹ Ojigbo rẹ Ọghẹnẹ nẹ evun rẹ oni mẹ rhe. A da waren ẹto mẹ., ogangan mẹ ko che vrẹn nẹ oma mẹ, oma kọ cha lọhọ ovwẹ, ke me cha dia kerẹ ohwo ghevweghe.