Isẹ 13:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Evun rẹ omamọ ro nẹ unu rẹ ohwo esiri rhe etiyin ọ da ria emu esiri, ẹkẹvuọvo ẹguọnọ rẹ ohwo ọbrabra kẹ ozighi.

Isẹ 13:2 ပူးပေါင်းရင်းမြစ်များ

Une rẹ Ejiro 140:11

Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

Une rẹ Ejiro 75:8

Kidie vwẹ obọ rẹ Ọrovwohwo uko herọ, ẹe udi ro gbe iphughẹ, ra nabo gua, ko che ku udi na no, ihwo imwemwu rẹ akpọ na ejobi ke cha da re duvwu ikiẹn

Isẹ 1:18

ẹkẹvuọvo ihwo nana fiọnko hẹrhẹ ọbara rẹ obọ rayen, ayen hwa hẹrhẹ arhọ rẹ obọ rayen.

Isẹ 1:31

fiki rẹ ọtiọye na kẹ ayen cha re emamọ rẹ idjerhe rayen evun kọ vọn ayen fiki rẹ eghẹnẹkẹ rayen.

Isẹ 10:11

Ugbunu rẹ ọvwata ọye ọgbugbu ra rhọ; ẹkẹvuọvo ugbunu rẹ ohwo umwemwu vẹ ozighi gba yan.

Isẹ 11:23

Ẹguọnọ rẹ ọvwata uyoyovwi ọye oba rọye; ẹruẹrhẹ rẹ ohwo umwemwu ke rha ophu ọvo.

Isẹ 12:14

Ota esiri rẹ ohwo esiri tare vọn ohwo evun, obo rẹ ohwo ruru rhoma bro cha.

Isẹ 18:20

Ubi ro nẹ unu rẹ ohwo rhe ọye re vọn evun, emamọ rẹ ugbenu rọye re nẹrhẹ evun vọn.

Isẹ 18:21

Ughwu vẹ arhọ hẹ evun rẹ ogangan rẹ ẹrẹnvwe, ihwo re guọnerọ ke cha re emamọ rọye.

Isẹ 4:17

Kidie umwemwu eruo ọye emu rẹ ayen ria, ozighi egbe ke rha udi rẹ ayen da.

Hosia 10:13

Wọ kọn orukuruku, wọ de rhe vun oshenyẹ wọ re emamọ rẹ efian. Fikiridie wọ vwẹ ẹro so ekpẹrẹ rẹ ofovwi wẹn, kugbe ebuo rẹ ẹgba rẹ ofovwi wẹn.

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!