Isẹ 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Isẹ 11:4 ပူးပေါင်းရင်းမြစ်များ

Jẹnẹsis 7:1

Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana.

ỌBE RẸ JOB 20:28

Ka cha ghwa ekuakua rẹ uwevwi rọye reyọ, ka cha ghwa yanran vwẹ ẹdẹ rẹ ọphu rẹ Ọghẹnẹ na.

Isẹ 10:2

Efe ra vwẹ umwemwu ghwẹ koko fi erere ọvuọvo-o, ẹkẹvuọvo ọvwata siẹ ohwo nẹ ughwu.

Isẹ 12:28

Idjerhe rẹ ọvwata ọye arhọ epha, idjerhe rẹ ọruchọ suẹn ohwo kpo ughwu.

Isẹ 6:34

Omẹriọ nẹrhẹ ohwo muẹ ophu, o rhe se jovwo siẹ ro de ru orukeri-i.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Izikiẹl 14:14

ọ da tobọ dianẹ ihwo nana erha na herọ, Noa, Daniẹl, kugbe Job, oma rayen ọvo ọye ayen se sivwi fiki rẹ ọvwata rayen, eriyin Ọrovwohwo Ọghẹnẹ tare.

Izikiẹl 7:19

Ayen ghwẹ idọnọ rayen phihọ evun rẹ irhuvwu, iro rayen epha kerẹ eravwọ ri jẹfuọn; idọnọ vẹ iro rayen se sivwi ayen vwẹ ẹdẹ rẹ ivuemiovwo rẹ Ọrovwohwo na-a, ayen se fue owẹvwe raye-en eyẹ ọ sa vọn evun raye-en. Kidie ọye uchukurhe umwemwu rẹ orukuruku rayen.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Iyẹnrẹ Esiri ri Luk 12:20

Ẹkẹvuọvo Ọghẹnẹ da ta ke, Ekpa! Ason nana a reyọ erhi wẹn mie we; ekuakua re wọ ghwẹ koko na, kono ri vwo ayen?

Ọbe ri Pọl si rhe Ihwo ri Rom 5:17

Ọ da dianẹ, fiki rẹ urhi ẹchọ rẹ ohwo ọvo na, ughwu da vwẹ fiki rẹ ohwo ọvo na rhe, eriyin ọ je dia kẹ ayen otu re reyọ ẹserọphẹ obuebu yena kugbe ẹsẹrọphẹ re ọvwata na vwo arhọ vwẹ oma rẹ ohwo ọvo na Jesu Kristi.

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.