Iguẹdjọ 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ayen da reyọ ibi rẹ idọnọ efuanfon ujorha gbe ihwe nẹ evun rẹ uwevwi ri Baalberit vwọ kẹ Abimẹlẹk, ọ da vwẹ igho na vwo durhie ihwo re epha Zighizighi ri gbosoghoro, ayen da yan nene.

Iguẹdjọ 9:4 ပူးပေါင်းရင်းမြစ်များ

2 Samuẹl 6:20

Devid vwo rhivwi te uwevwi ọ da vwẹ ẹrhovwo kẹ ihwo rọye. Ẹkẹvuọvo Mikal rẹ ọmọtẹ ri Sọl da rhe vwa Devid ọ da ta, Mavọ ovie rẹ Izrẹl vwo ọghọ kẹ oma rọye te nonẹ, rọ vwọ ban oma phihọ nonẹ vwẹ obaro rẹ idibo rọye rẹ eya o gbi rhe vwo omẹvuọ-ọ kerẹ omohwo diodi;

2 Ikun rẹ Ivie 13:7

Ye erharhe rẹ ihwo ẹvo fanfanrhie da ghwẹ rhurho obuko ri gbobọ se Rehoboam ọmọ ri Solomọn, vwẹ ọke ri Rehoboam vwọ hẹ omotete ro nẹ emuọvo so-o yẹ udu rọye je sa gba aye-en.

ỌBE RẸ JOB 30:8

Jẹ iroro evwo, uvwiẹ ro jẹ ọghọ evwo ọ da nẹrhẹ, a djẹ ayen nẹ otọ na.

Isẹ 12:11

Ohwo ro voro udju rọye ọye re mrẹ emu ria, ẹkẹvuọvo ohwo ro gbe osoghoro nene emu ofefe vwo ọhọ-ọ,

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.

Iruo rẹ Iyinkọn na 17:5

Ẹkẹvuọvo ihwo ri Ju na ke reoma, rẹ ayen vwọ reyọ ihwo ebrabra evo re ta ọpata, ayen de se otu koko, edo de mu vwẹ evun rẹ orere na, e da họrhọ ro uwevwi ri Jasin, re ayen kpono ayen phia rhe ihwo na.

Iguẹdjọ 11:3

Etiyin Jẹfta da djẹ yan jẹ emesẹ rọye vwo, ọ da ra dia otọ ri Tọb; Jẹfta de se ihwo buebu ri gbe ozighi boma, ọ vẹ ayen kọye ri koko kpare ofovwi.

Iguẹdjọ 8:33

Ri Gidiọn ghwe vwo ghwu nu, ihwo rẹ Izrẹl da ghwa rhoma rhi gbe oma rayen ẹgua fiki ri Baal, ayen da vwẹ Baalberit ru ọghẹnẹ rẹ ayen.

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.

1 Samuẹl 22:2

Kohwo kohwo rọ hẹ ukpokpogho, kohwo kohwo rọ re esa, kugbe kohwo kohwo rẹ ofu djeri, da ghwiẹ bro ra; ọda rhe dia onotu rẹ ayen. Ihwo ri nenire joma te ujori ẹne.