Iguẹdjọ 9:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ta phihọ erhọ rẹ emọ rẹ orho ri Shikẹm na ejobi nẹ, Ọvo ri je ovwan, rere emọ ujorha gbe ihwe ri Jerubbaal rẹ eshare sun ovwan, gbenẹ ọvo ri sun ovwan? Karohọ nẹ mẹvwẹ ubeku kugbe uvwo rẹ ovwan.

Iguẹdjọ 9:2 ပူးပေါင်းရင်းမြစ်များ

Jẹnẹsis 29:14

Laban da ta kẹ, Omuẹro wẹ ubeku rẹ oma mẹ kugbe uvwo rẹ oma mẹ; Ọ da dia uwevwi rọye emeravwe ọvo.

2 Samuẹl 19:13

Gbe je ta kẹ Amasa, Wọ dia ubeku mẹ, kugbe uvwo mẹ-ẹ? Jẹn Ọghẹnẹ ru etiọye vwẹ ọ ro je nọ ọtiọye re me gbe vwẹ owẹ ma ono vwẹ ẹdia ri Joab nẹ ọke na yanra-an.

1 Ikun rẹ Ivie 11:1

Etiyin Izrẹl ejobi da ghwẹ koko bru Devid vwi Hẹbrọn, ayen da ta, Nighere avwanre vẹ owẹ oma ọvo.

Ẹfesọs 5:30

fikiridie avwanre ekuakua rẹ ugboma rọye.

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Iguẹdjọ 8:30

Gidiọn de vwo emeshare ujorha gbe ihwe, rọ vwẹ orhẹn rọye vwiẹ, kidie ọ vwo eya buebu

Iguẹdjọ 9:18

ovwan de rhi mu kpahe uwevwi rẹ ọsẹ mẹ vwẹ ẹdẹ ri nonẹ na, ovwan de hwe emọ rọye rẹ eshare ujorha gbe ihwe phihọ enu rẹ oragha ọvo, ovwan da vwẹ Abimẹlẹk rẹ ọmọ rẹ ọsen, vwo mu ovie kẹ ihwo ri Shikẹm, fikiridie omoni rẹ ovwan o ruẹ–

Iguẹdjọ 9:5

O de kpo uwevwi rẹ ọsẹ rọye vwẹ obi Ọfra, o de re hwe emesẹ rọye emọ ri Jerubbaal, eshare ujorha gbe ihwe, phihọ enu rẹ oragha ọvo; ẹkẹvuọvo Jotam rẹ ubrevwiẹ ri Jerubbaal kọye ọvo ri chekọ kidie o si oma nu jovwo