Iguẹdjọ 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo da ta kẹ Gidiọn nẹ ihwo rẹ vẹ owẹ gba herọ bunọ kẹ vwẹ ri mi vwo phi ihwo ri Midian na phihọ obọ rayen, rẹ Izrẹl da rha yoma kẹ vwẹ nẹ, obọ mẹ ọvo mi vwo sivwi oma mẹ

Iguẹdjọ 7:2 ပူးပေါင်းရင်းမြစ်များ

Jẹnẹsis 46:2

Ọghẹnẹ da ta ota kẹ Izrẹl vwẹ evwerhẹ vwẹ ason, ọ da ta, Jekọp, Jekọp o de nyo nẹ, Mẹvwẹ na.

2 Ikun rẹ Ivie 14:11

Asa de kperi se Ọrovwohwo Ọghẹnẹ rọye, E Ọrovwohwo, o vwo ohwo ọfa kerẹ owẹ rọ sa cha ohwo uko-o, vwẹ uvwre rẹ ọgba vẹ ọvwiẹre. Cha avwanre uko, Ọrovwohwo Ọghẹnẹ rẹ avwanre, kidie ma vwẹ ẹro so owẹ, odẹ wẹn avwanre vwo bru urogho nana rhe. E Ọrovwohwo wẹ Ọghẹnẹ rẹ avwanre; wo jẹn ohwo rẹ akpọ phi we kparobọ-ọ.

Aizaya 10:13

Kidie ọ tare nẹ: Ogangan rẹ obọ mẹ mi vwo ruo, kugbe iroro mẹ, kidie mi vwo obọ, mẹ kpare ughwru rẹ ihwo efa, Me da ghwẹ efe rayen reyọ; kerẹ erhuẹn ọshare mi de dje ihwo ri tidia ekete she,

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Aizaya 2:17

Obrabra rẹ ohwo kọ mrẹ ẹphọphọ eheri rẹ ihwo ke che vwo kpotọ; Ọrovwohwo ọvo a kpare kpenu vwẹ ẹdẹ yena.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Izikiẹl 28:17

Udu wẹn da rhe vọn vẹ eheri fiki rẹ erhuvwu wẹn; wo de miovwi aghwanre wẹn fiki rẹ erhuvwu wẹn. Mi de mu we teye otọ; Me da ban wẹ phihọ vwẹ obaro rẹ ivie, rere ayen vwọ tọn ẹro rayen vi we.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Habakọk 1:16

Fiki rẹ ọtiọye na ko ze izobo kẹ ariri rọye kọ tọrhẹ insẹns kẹ ugodo rẹ ariri rọye, kidie ayen ọ vwọ re akpọ, emu rọ ria pha tẹgbẹ yoyovwi.

Zekaraya 12:7

Ọrovwohwo ephiokparobọ kẹ uwevwi ri Juda rere urinrin rẹ uwevwi ri Devid vẹ urinrin rẹ ihwo ri Jerusalẹm vwo je rhuọnọ ọ ri Juda.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Ukeri 31:4

Wo ji ihwo uriori nẹ orua ọvuọvo rẹ Izrẹl na kpo ofovwi na.

Ọbe ri Pọl si rhe Ihwo ri Rom 11:18

wo rhe herẹ kẹ eghọn rẹ uvi rẹ urhe ri chekọ na-a. Wo de heri gba karohọ nẹ ọ dia owẹ re ghẹrẹ awọ na-a, ẹkẹvuọvo awọ na re ghẹrẹ owẹ.

Ọbe ri Pọl si rhe Ihwo ri Rom 3:27

Eriyin na kẹ otọ rẹ eyan rẹ avwanre na rhọ? E si ọyena no. Ki didi idjerhe? Vwẹ idjerhe rẹ iruo? Ẹjo, ẹkẹvuọvo vwẹ idjerhe rẹ esegbuyota.

2 Kọrẹnt 4:7

Ẹkẹvuọvo avwanre vwo efe nana vwẹ evun rẹ ochẹ, ro vwo dje nẹ ọrho rọ basa-a na Ọghẹnẹ ọvo ri vworo ọ dianẹ kẹ ọ rẹ avwanre-e.

Ẹfesọs 2:9

Ọ dia ifiki rẹ iruo-o, rere ohwo vwo jẹ eyan ẹyan.

Urhi Rivẹ 32:27

Ọ dianẹ Me djẹ oshọ rẹ ophu ẹrhanriẹ rẹ ivwighrẹ-ẹ, manẹ otu rẹ ukọn rayen brorhiẹ chọ, ayen da rha ta nẹ, Avwanre kparobọ, ọ dia Ọrovwohwo ri ru ọnana-a.

Urhi Rivẹ 8:17

Jomaotọ wọ da rhe ta vwẹ udu wẹn, Ọgangan mẹ vẹ ẹgba rẹ obọ mẹ mi vwo vwo efe nana,

Urhi Rivẹ 8:18

wọ Me karohọ Ọrovwohwo Ọghẹnẹ wẹn na, kidie ọye vwẹ ogangan kẹ wẹ wo vwo fe na; rere ọ vwọ yọnrọn ọphọ rọye ro nene esẹ wẹn re, kirobo rọ epha nonẹ na.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.