Iguẹdjọ 6:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie ọke rẹ ihwo rẹ Izrẹl da kọn ekankọn phihọ otọ nu ihwo ri Midian kugbe ihwo rẹ Amalẹk vẹ ihwo re dia obaro rẹ ọnre na Me kpare ohọnre bru ayen rhe;

Iguẹdjọ 6:3 ပူးပေါင်းရင်းမြစ်များ

Jẹnẹsis 25:6

Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.

Jẹnẹsis 29:1

Etiyin Jekọp de mu oyan rọye phihọ, o de rhi te otọ rẹ ihwo rẹ ọnre da vacha

1 Ivie 20:27

A da ghwẹ ihwo rẹ Izrẹl koko gbidi, ayen je ghwa emuọre cha oma, ayen da ra ghare oma; ihwo rẹ Izrẹl de re mu erhọn phihọ obaro rẹ ayen kerẹ emekrun rẹ ẹvwe ivẹ, ẹkẹvuọvo ihwo ri Siria da rhe vọn asan ejobi kpisi.

1 Ivie 4:30

ọtiọye na aghwanre ri Solomọn da nọ aghwanre rẹ ihwo ejobi re dia obaro-ọnre na, kugbe aghwanre rẹ Ijipt ejobi.

1 Ivie 5:10

Ọtiọye Hiram da ghwẹ uche igedu kugbe owangha ri Solomọn guọnọre vwo rhe,

ỌBE RẸ JOB 1:3

O vwo igegede uriorin ighwrẹ, kamẹl uriorin erha, irhuẹn ivive ra vwọ ya ohwohwo ujorin iyori, kugbe ekẹtẹkẹtẹ ujorin iyori, vẹ idibo buebu; eriyin na ohwo nana kọye ma rho vwẹ obaro ọnre na ejobi.

ỌBE RẸ JOB 31:8

gbe jẹn uvwe kọn, re ohwo ọfa re, re wo ji ghwie obo re djẹ kẹ vwẹ na kufia

Ẹyano 17:8

Etiyin Amalẹk de rhi nene Izrẹl họnre vwi Rẹfidim.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Jerimaya 49:28

Vwọ kpahe Kedar vẹ uvie ri Hazọ ri Nebukadreza ovie ri Babilọn teyere na. Enẹ Ọrovwohwo na tare Vren, ra vwọ so Kidar! Guọghọ ihwo rẹ obaro ọnre na!

Izikiẹl 25:3

Ta kẹ ihwo rẹ Ammọn, Nyo ota rẹ Ọrovwohwo Ọghẹnẹ: E nẹ Ọrovwohwo Ọghẹnẹ tare: Fikiridie wọ tare, Ẹhẹ! vwọ kpahe enu rẹ ẹshẹ mẹ na vwẹ ọke re vwo gbe ẹgua, je vwọ kpahe otọ rẹ Izrẹl vwẹ ọke ra vwọ kua fiotọ, je vwọ kpahe uwevwi ri Juda vwẹ ọke re vwo muo kpo imu;

Izikiẹl 25:4

fiki rẹ ọtiọye na ki mi siobọ nẹ uwe kẹ ihwo rẹ obaro ọnre vwọ ghare ughwẹ, kẹ ayen che mu erhọn phihọ ohri wẹ, kẹ ayen che ru asan rẹ ayen dia phihọ uherevie wẹn, kẹ ayen re emamọ wẹn ayen ke da ameivie wẹn.

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Maika 6:15

Wọ cha kọn, ẹkẹvuọvo wọ che vu-un, wo che chiyi oliv ẹkẹvuọvo wọ cha vwẹ evwri rọye ghworo oma-a; wo che chiyi grep, ẹkẹvuọvo wọ cha da udi rọye-e.

Urhi Rivẹ 28:51

ọ cha re emọ rẹ uchuru rẹ ovwan kugbe emamọ rẹ otọ rẹ ovwan, bẹsiẹ ra vwọ ghwọrọ ovwan nu; o ji che je eka, vi wain, kugbe evwri vwọ kẹ ovwa-an, ebuo rẹ uchuru rẹ ovwan eyẹ emọ rẹ igegede rẹ ovwan bẹsiẹ rẹ ayen vwọ nẹrhẹ owẹ ghwọrọ.

Iguẹdjọ 10:12

Mi ji sivwi ovwan mie ihwo ri Sidọn, kugbe ihwo rẹ Amalẹk, kugbe ihwo ri Maon, ri shenyẹ ovwan muotọ; ovwan de kperi se vwe, Mi de sivwi ovwan nẹ obọ rayen.

Iguẹdjọ 3:13

O de koko ihwo rẹ Ammọn kugbe ihwo rẹ Amalẹk, kẹ oma rọye ayen da ra họnre Izrẹl kua, ayen da reyọ orere rode rẹ iriẹ na.

Iguẹdjọ 6:2

Midian de phi Izrẹl kparobọ, ifiki ri Midian na ihwo rẹ Izrẹl da ra tọn inu phihọ evun rẹ igbenu ride na kugbe evun rẹ emwa kugbe asan egangan kokoroko vwọ kẹ oma rẹ ayen ọvo.

Iguẹdjọ 6:33

Ọke yena ihwo rẹ Midian ejobi kugbe ihwo rẹ Amalẹk, kugbe re obaro rẹ ọnre de sioma koko, ayen da wan vrẹn Jọdan, re mu erhọn phihọ iyara ri Jẹzreel

Iguẹdjọ 6:4

ayen Me gba yariẹ ayen phihọ ayen Me guọghọ emu rẹ otọ na, shesheri re te ubrotọ ri Gaza, ayen gbi je emu vwọ kẹ Izrẹli-i, igegede eyẹ irhuẹn kugbe ekẹtẹkẹtẹ ọvuọvo gbi chekọ-ọ

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Iguẹdjọ 8:10

Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na