Iguẹdjọ 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Nyo, E ivie, kerhọ, E isun; Ọrovwohwo na Me cha so ine kẹ, Me so ine ọvwevwerhe kẹ Ọrovwohwo na, Ọghẹnẹ rẹ Izrẹl na.

Iguẹdjọ 5:3 ပူးပေါင်းရင်းမြစ်များ

Jẹnẹsis 6:17

Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

Jẹnẹsis 9:9

Nighe, ke Me vẹ owẹ cha re ọphọ kugbe uvwiẹ wẹn rọ cha vwẹ obuko wẹn,

1 Ivie 18:22

Etiyin Ilaija da ta kẹ ihwo na, Mẹvwẹ, ọvo kpoi, ọye ọmraro rẹ Ọrovwohwo ro chekọ; ẹkẹvuọvo emraro ri Baai ujori gbe ujuvẹ gbe ihwe soso.

1 Ivie 19:10

Ọ da ta, A rioma kpahe ovwẹ fiki rẹ Ọrovwohwo, Ọghẹnẹ rẹ otuofovwi na; kidie ihwo rẹ Izrẹl sen ọphọ wẹn, ayen kporo egbada wẹn she, ayen nyavwe emraro wẹn hwe; ko mẹvwẹ, mẹvwẹ ọvo kpoi, ri chekọ; yẹ ayen je guọnọ arhọ mẹ, rẹ ayen hwe.

1 Ivie 19:14

ọ da ta, A rioma kpahe ovwẹ gangan fiki rẹ Ọrovwohwo, Ọghẹnẹ rẹ otuofovwi na: kidie ihwo rẹ Izrẹl sen ọphọ wẹn, ayen kporo egbada wẹn she, ayen nyavwe emraro wẹn hwe; ko mẹvwẹ, mẹvwẹ ọvo kpoi, ri chekọ, yẹ ayen je guọnọ arhọ mẹ, rẹ ayen hwe.

Ezra 7:21

Mẹvwẹ, rẹ Artaxserxes rẹ ovie na ri ji urhi vwọ kẹ otu rẹ eyọnrigho vwẹ ubrakpọ rẹ Obovrẹn rẹ Urhie na kemu kemu rẹ Ẹzra rẹ orherẹn na, vẹ osiọbe rẹ urhi rẹ Ọghẹnẹ rẹ odjuvwu guọnọre vwẹ obọ rẹ ovwan, wa nabọ vwẹ oma kpotọ ruo,

Une rẹ Ejiro 119:46

Mi gbe ikun rẹ iseri wẹn vwẹ obaro rẹ ivie, oma gbe rha vo vwẹ-ẹ,

Une rẹ Ejiro 146:2

Mi jiri Ọrovwohwo na vwẹ ọke me dia akpọ na te; Me so ejiro kẹ Ọghẹnẹ mẹ vwẹ ọke nana me vwọ hẹ ọkpokpọ na.

Une rẹ Ejiro 27:6

Vwẹ etinẹ na ka kpare uyovwi mẹ kpenu vrẹn ivwighrẹ mẹ re riariẹ ovwẹ phihọ; ki mi ze izobo vwẹ evun rẹ uwevwi rọye, izobo vẹ edo kugbe aghọghọ; Ki mi so ine vwevwerhe kẹ Ọrovwohwo.

Une rẹ Ejiro 61:8

Kẹ ọtiọye me da so ine rẹ ejiro kẹ odẹ wẹn, kirobo re me hwa osa rẹ ive me kẹdẹ kẹdẹ na.

Ẹyano 31:6

Nighe, Me je vwẹ Oholiab ọmọ rẹ Ahisamak vwo mu, ọ rẹ orua ri Dan; me je vwẹ ogangan kẹ ihwo re sa wian owian ejobi, rere ayen vwo ru obo re me ta kẹ wẹ na ejobi:

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Urhi Rivẹ 32:1

Wa kerhọ, E idjuvwu, re Me ta; jẹn akpọ na nyo eta rẹ ugbunu mẹ.

Urhi Rivẹ 32:3

Kidie mi che ghwoghwo odẹ rẹ Ọrovwohwo. Vwẹ ọrho kẹ Ọghẹnẹ rẹ avwanre.

Iguẹdjọ 5:7

Eghwẹrẹ rẹ Izrẹl da daji, ayen da obọ ji bẹsiẹ wọwẹ, ri Dẹbora vwo Vrẹn, wo de Vrẹn kiri oni vwẹ Izrẹl