Iguẹdjọ 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da ta kẹ nẹ, mi nene uwe ra, ẹkẹvuọvo urinrin rẹ oyan ri idjerhe na cha dia ọwẹ-ẹn, kidie Ọrovwohwo na shẹ Sisira phihọ obọ rẹ aye nure. Etiyin Dẹbora de vrẹn o de nene Barak kpo obi Kadẹsh.

Iguẹdjọ 4:9 ပူးပေါင်းရင်းမြစ်များ

2 Ikun rẹ Ivie 26:18

ayen de re gbe ota phihọ Uzaya unu, ayen da ta kẹ, Ọ dia iruo wẹ-ẹn, Uzaya, re wọ vwọ torhẹ insẹns kẹ Ọrovwohwo-o, ẹkẹvuọvo irherẹn na kugbe ọmọ rẹ Erọn, re vwo mu nẹ e torhẹ insẹns. Wan nẹ evun rẹ ẹshẹ na; kidie wo ru chọ, o vwo ọghọ ro che nẹ obọ rọ Ọrovwohwo Ọghẹnẹ bru we-e.

Iguẹdjọ 2:14

Fiki rẹ ọtiọye na Ọrovwohwo de mu ophu ọgangan kpahe Izrẹl, o de phi ayen phihọ abọ re igbunegbu ri gborhe emu rayen; ọ da shẹ ayen vwọ kẹ ogangan rẹ ivwighrẹn re yariẹ ayen phihọ, ọtiọye na ayen rhe vwo ogangan vwẹ oma rẹ ivwighrẹn rẹ aye-en.

Iguẹdjọ 4:8

Barak da ta kẹ nẹ, Wo de nene uvwe ra, ke Me ra; ẹkẹvuọvo wo rhe nene uvwe ra-a, Me rha ra-a.

Iguẹdjọ 9:53

Eya ẹvo de mu olalọ vwo phi ekpehre uyovwi rẹ Abimẹlẹk guọghọ.

Iguẹdjọ 9:54

Etiyin o de bru okpakpa se emeghene rẹ ọshare rọ ghwa ewun rẹ ofovwi rọye, ọ da ta kẹ nẹ. Yoro ọlọkọ wẹn rere wo hwe vwe, rere ihwo vwo jẹ ta kpahe ovwẹ nẹ, Aye ri hwe re. Emeghene na da vwẹ egba nyẹ, o de ghwu

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.