Iguẹdjọ 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin ihwo rẹ Izrẹl de kperi se Ọrovwohwo nẹ ọ cha ayen ukọ; kidie o vwo idjighere rẹ ofovwi rẹ utehru uriọne gbe ujori, ọ da vwẹ omẹdja shenyẹ ihwo rẹ Izrẹl ikpe uje.

Iguẹdjọ 4:3 ပူးပေါင်းရင်းမြစ်များ

Une rẹ Ejiro 106:42

Ivwighrẹ rayen de shenyẹ ayen, ayen de rhi phi oma phihọ otọ rẹ ogangan rẹ isuesun rayen.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 78:34

Ọke rọ vwọ ghwiẹ ayen hwe, ayen da guọnọ, ayen kurhẹriẹ ayen da vwẹ oma kpotọ guọnọ Ọghẹnẹ.

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Urhi Rivẹ 28:29

kẹ ovwan dia akparhurhu vwẹ ọghẹruvo, kerẹ esẹ rẹ orhuẹro a yan bribri, ovwan gbi vwo oyouvwe vwẹ idjerhe rẹ ovwa-an; ke shenyẹ ovwan ke ji cho ovwan kọke kọke, ohwo rọ chọ ovwan uko gbe dia-a.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Joshua 17:16

Orua ri Josẹf da ta nẹ, orho rẹ ugbenu na rho te kẹ avwanre-e, ye ihwo ri Kenan re dia obo uphephe na vwo idjighere rẹ utehru, te e rẹ Betshean vẹ ẹko rọye kugbe e rẹ obo iyara ri Jezreel.

Iguẹdjọ 1:19

Ọrovwohwo vi Juda da herọ, ọ da reyọ orere rẹ ugbenu na, ẹkẹvuọvo ọ sa djẹ ihwo re dia otọ rẹ ophẹphẹ na no-o, fikiridie ayen vwo idjighere rẹ utehru rẹ ofovwi buebu.

Iguẹdjọ 10:10

Ihwo rẹ Izrẹl de kperi se Ọrovwohwo na, tanẹ, Avwanre ru umwemwu kpahe owẹ, avwanre da je sen wẹ rẹ Ọghẹnẹ rẹ avwanre, avwanre da ra ga Baal.

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl

Iguẹdjọ 3:15

Ẹkẹvuọvo ọke rẹ ihwo rẹ Izrẹl na vwo kperi se Ọrovwohwo na, Ọrovwohwo da vwẹ osivwi ọvo, Ehud, ọmọ rẹ Gera, ohwo ri Bẹnjamin, ọhwẹrobọ rẹ ọshare vwo mu kẹ ayen. Ihwo rẹ Izrẹl de toro arhọghọ vwọ kẹ vwo rhe Ẹglọn ovie ri Moab na.

Iguẹdjọ 3:9

Ẹkẹvuọvo ọke rẹ ihwo rẹ Izrẹl vwo kperi se Ọrovwohwo, Ọrovwohwo da vwẹ osivwi ọvo vwo mu kẹ ihwo rẹ Izrẹl ro sivwi ayen, Otniẹl ọmọ ri Kenaz, oniọvo re vwiẹ kpahe Kalẹb.

Iguẹdjọ 4:13

Sisira de se otu ofovwi ri idjighere rọye ejobi phia, idjighere rẹ utehru ujori irhiri, kugbe eshare re vẹ ọye gba herọ, nẹ Haroshẹtagoiim rhe urhie ri Kishọn.

Iguẹdjọ 4:4

Ọke nana Dẹbora, re ọmraro rẹ aye, aye ri Lapidọt, ko guẹdjọ rẹ Izrẹl vwẹ ọke yena.

Iguẹdjọ 5:8

Ọke rẹ ayen vwọ jẹn edjọ ekpokpọ reyọ, Etiyin ofovwi de rhi te inurhoro ka mrẹ ekpọfia eyẹ ishuẹ vwẹ ohri rẹ ihwo uriori ujuvẹ vwẹ evun rẹ Izrẹl na?

Iguẹdjọ 6:6

Ihwo ri Midian da nẹrhẹ akpọ bẹn Izrẹl gangan, ihwo rẹ Izrẹl na de kperi se Ọrovwohwo rere ọ rhe cho ayen uko.

1 Samuẹl 7:8

Ihwo rẹ Izrẹl da ta kẹ Samuel, Kperi se Ọrovwohwo kẹ avwanre wọ da unu jẹ-ẹ, rere o sivwi avwanre nẹ obo ri Filistia.