Iguẹdjọ 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ A da vwẹ ayen davwe Izrẹl ni, rere e vwo vughe sẹ ayen ghine mu ọghọ kẹ irhi rẹ Ọrovwohwo na, ro ji kẹ Mosis no vwọ kẹ esẹ rayen.

Iguẹdjọ 3:4 ပူးပေါင်းရင်းမြစ်များ

Ẹyano 15:25

O de kperi se Ọrovwohwo; Ọrovwohwo de dje urhe ọvo kẹ, o de phio phihọ ame na, ame na da vwerhe. Etiyin Ọrovwohwo da vwẹ iji kẹ ayen ọ da davwe ayen ni,

1 Kọrẹnt 11:19

kidie ohẹriẹ ghine sa dia ohri rẹ ovwan rere e vwo se vughe omamọ rẹ ihwo rẹ hẹ ohri rẹ ovwan.

Urhi Rivẹ 33:8

Vwọ kpahe Livae, ọ da ta, Reyọ Agbragha wẹn ke Livae, wọ vwẹ Ute wẹn vwọ kẹ ohwo esiri na ohwo wọ davwini vwi Masa, ọ rọ vẹ owẹ gbe gbe ozighi vwi Meriba,

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Iguẹdjọ 2:22

rere Me vwẹ ayen davwe Izrẹl ni, sẹ ayen sa karohọ nene idjerhe rẹ Ọrovwohwo na kirobo rẹ esẹ rẹ ayen ruru, eyẹrẹ ayen se ruo-o.

Iguẹdjọ 3:1

Enana eye ẹgborho rẹ Ọrovwohwo na jovwo, rere a vwẹ ayen davwe Izrẹl ni, kọye ihwo rẹ Izrẹl ejobi re riẹn obo re phi ofovwi ri Kenan na-a,