Iguẹdjọ 21:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin ayen da tanẹ, E Ọrovwohwo, Ọghẹnẹ rẹ Izrẹl, die nẹrhẹ emu nana ru vwẹ evun rẹ Izrẹl nonẹ na, rọ nẹrhẹ ẹgborho ọvo ghwru nẹ Izrẹl?

Iguẹdjọ 21:3 ပူးပေါင်းရင်းမြစ်များ

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Aizaya 63:17

E Ọrovwohwo, die wọ vwọ nẹrhẹ avwanre ghwru nẹ idjerhe wẹn, wo vwo ru udu re avwanre gan, me vwo je oshọ wẹn edje? Rhoma fiki rẹ idibo wẹn, uvwiẹ rẹ uku wẹn.

Isẹ 19:3

Oke rẹ ohwo da vwẹ ughenghẹn rẹ obọ rọye yan chọ nu, kọ mu ophu kpahe Ọrovwohwo.

Une rẹ Ejiro 80:12

Die wo vwo kporo igbẹhẹ rọye she, rẹ ihwo re wanvrẹn idjerhe vwọ kọrọ emamọ rọye?

Une rẹ Ejiro 74:1

E Ọghẹnẹ, die wọ vwọ djẹ avwanre kufia bẹdẹ? Die ophu wẹn vwọ teye igodẹ re egbri wẹn?

Urhi Rivẹ 29:24

uyota, ẹgborho na ejobi ke cha tanẹ, Die nẹrhẹ Ọrovwohwo ru otọ nana ọtiọna? Die ghwa ogidi rẹ ophu rode nana rhe?

Iguẹdjọ 21:2

Etiyin ihwo na da rhe obi Bẹtẹl, ayen de tidia oboyi vwẹ obaro rẹ Ọghẹnẹ re te ọke rẹ ovwọnvwọn, ayen de kuenu rẹ oviẹ.

Iguẹdjọ 21:4

Vwẹ ẹdẹ rivẹ ihwo na da fobọ vrẹn, ayen da ra bọn agbada ọvo vwẹ oboyi, ayen de ze izobo ra torhẹre kugbe izobo rẹ ufuoma.