Iguẹdjọ 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọke rẹ amakashe rẹ Ọrovwohwo na vwo ta eta nana kẹ ihwo rẹ Izrẹl ejobi nu, ihwo na ejobi da kpare urhuru rayen kpenu, ayen da viẹ.

Iguẹdjọ 2:4 ပူးပေါင်းရင်းမြစ်များ

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Isẹ 17:10

Eghwo kuo vwirhi ohwo ro vwo eruo Ibiẹfẹn nọ ubi buebu re vwo dje ohwo.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Iyẹnrẹ Esiri ri Luk 6:21

Ebruba kẹ ovwan rẹ owẹvwe hwe vwẹ asakiephana, kidie evun cha vọn ovwan. Ebruba kẹ ovwan re viẹ vwẹ asakiephana, kidie ovwan cha hwẹ.

Iyẹnrẹ Esiri ri Luk 7:38

ro vwo mudia vwẹ obuko vwẹ asan awọ rọye, kọ viẹ ku awọ rọye ọ da vwẹ ẹto rẹ uyovwi rọye rhie, ọ da vwẹ udẹ na ghworo.

2 Kọrẹnt 7:10

Kidie omamọ rẹ ivun emiovwo nẹrhẹ ekuẹrhẹriẹ kọye ri suẹn ohwo kpo esivwo o rhe vwo ọdavwẹ-ẹ, ẹkẹvuọvo ivun emiovwo rẹ akpọ nana ghwa ughwu cha.

Jems 4:9

Vwẹ oja re oma wẹn, wo mu oma phihọ, re wọ viẹ; jẹ aghọghọ wẹn hirhe phihọ uvweri rere ehwẹ wẹn hirhe phihọ unuẹfiọn.

Iguẹdjọ 2:3

Fiki rẹ ọtiọye na Me vwọ tanẹ, Me gbe cha djẹ ayen nẹ obaro rẹ ovwa-an, ẹkẹvuọvo ayen ki che hirhe phihọ ukon kẹ ovwan, edjọ rayen ke cha dia owọ ẹkprọ kẹ ovwan.

Iguẹdjọ 2:5

Ayen de mu odẹ kẹ asan na nẹ Bokim, ayen de ze izobo kẹ Ọrovwohwo na vwẹ Etiyin.

1 Samuẹl 11:4

Ọke rẹ ovuẹ na vwo te Gibeah ri Sọl, ayen da nẹ iyẹnrẹ kẹ ihwo na ejobi nyo; ihwo na ejobi da viẹ phia.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.