Iguẹdjọ 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Fiki rẹ ọtiọye na Me vwọ tanẹ, Me gbe cha djẹ ayen nẹ obaro rẹ ovwa-an, ẹkẹvuọvo ayen ki che hirhe phihọ ukon kẹ ovwan, edjọ rayen ke cha dia owọ ẹkprọ kẹ ovwan.

Iguẹdjọ 2:3 ပူးပေါင်းရင်းမြစ်များ

Une rẹ Ejiro 106:36

Ayen da ga ema rayen, re rhoma hirhe phihọ ufi kẹ ayen.

Ẹyano 23:33

Ayen cha dia otọ wẹ-ẹn, ayen da nẹrhẹ owẹ ru imwemwu kpahe ovwẹ; kidie wọ da ga edjọ rayen, ke me cha dia ufi kẹ wẹ.

Ẹyano 34:12

Gba kẹnoma wẹn, we de rhe nene ihwo rẹ otọ re wa ra na re ọphọ, ọ da rha dia ufi vwẹ ohri rẹ ovwan.

Ukeri 33:55

Ẹkẹvuọvo wọ rha sa djẹ ihwo re dia otọ na jovwo na no-o, ihwo rayen re wọ fọkẹ nẹ e dia otọ na ke cha dia kerẹ inwe vwẹ ẹro wẹn kugbe inwe vwẹ ẹfẹn wẹn, kẹ ayen che kpokpo uwe vwẹ evun rẹ otọ ru wọ dia na.

Urhi Rivẹ 7:16

Wọ Me ghwọrọ ihwo ejobi rẹ Ọrovwohwo Ọghẹnẹ wẹn che sun rhe we na; wo nẹ arodọvwẹ raye-en; wọ je ga ẹdjọ raye-en; kidie ọye cha dia ufi kẹ wẹ.

Joshua 23:13

wa gba riẹn gbagba nẹ Ọrovwohwo Ọghẹnẹ rẹ ovwan gbe sa djẹ ẹgborho na nẹ obaro kẹ ovwa-an; ẹkẹvuọvo ayen ke dia ufi vẹ ugodo kẹ ovwan, ubi ro che vurhu uwe ẹfẹn, kugbe unwẹ ro che duvwu uwe ẹro, bẹsiẹ wa cha vwọ ghwọrọ nẹ otọ oyoyovwi nana rẹ Ọrovwohwo Ọghẹnẹ rẹ ovwan vwọ kẹ ovwan na.

Iguẹdjọ 2:21

kẹ ọke nana yanran Me gbe cha djẹ ihwo na nẹ ẹgborho ri Joshua ghwu jovwo kẹ ayen na no-o,

Iguẹdjọ 2:4

Ọke rẹ amakashe rẹ Ọrovwohwo na vwo ta eta nana kẹ ihwo rẹ Izrẹl ejobi nu, ihwo na ejobi da kpare urhuru rayen kpenu, ayen da viẹ.

Iguẹdjọ 3:6

ayen da reyọ emetẹ rayen vwọ rọvwọ, ayen da vwẹ emetẹ rayen vwọ kẹ emeshare rayen; ayen da ga edjọ rayen.

Iguẹdjọ 8:27

Gidiọn da vwo ko ibuluku o de phihọ otorho rọye, vwi Ọfra; Izrẹl ejobi ki vwo gbe ẹgua vwe oboyi, o de rhi hirhe phihọ ufi kẹ Gidiọn vẹ uwevwi rọye.