Iguẹdjọ 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² nẹ ovwan vẹ ihwo rẹ otọ nana re ọphọ-ọ, ovwan ke cha guọghọ egbada rayen. Ẹkẹvuọvo ovwan mu ọghọ kẹ urhi mẹ-ẹ. Ọnana ki didi emu ovwan ruru na?

Iguẹdjọ 2:2 ပူးပေါင်းရင်းမြစ်များ

Jẹnẹsis 12:18

Etiyin Fero de se Ebram, ọ da ta, Ọnana die wo ru kẹ vwẹ na? Kidie wọ gbe ta kẹ vwẹ nẹ aye wẹ-ẹn?

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

Ẹyano 32:21

Etiyin Mosis da ta kẹ Erọn, Didi emu ihwo nana ru we re wọ vwọ rọye umwemwu rode nana vwo rhe ayen?

Jerimaya 2:18

Ki didi erere ri te we ri wọ vwọ yan kpo Ijipt na, wọ vwọ da ame ri Nail na? eyẹ didi erere ri te we ri wọ vwọ yan kpo Asiria, ru wọ vwọ da ame rẹ Yufretis?

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Urhi Rivẹ 7:16

Wọ Me ghwọrọ ihwo ejobi rẹ Ọrovwohwo Ọghẹnẹ wẹn che sun rhe we na; wo nẹ arodọvwẹ raye-en; wọ je ga ẹdjọ raye-en; kidie ọye cha dia ufi kẹ wẹ.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Joshua 9:7

Ẹkẹvuọvo ihwo rẹ Izrẹl da ta kẹ ihwo ri Hiv na, ọkeọvo yẹ ohri rẹ avwanre na wa dia; komavo avwanre vẹ ovwan vwọ re ọphọ?

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

Iguẹdjọ 2:20

Ọtiọye na ophu rẹ Ọrovwohwo da rhe tua phihọ kpahe Izrẹl, ọ da ta, Fikiridie ihwo nana ru umwemwu kpahe ọphọ mẹ ri mi ji urhi rọye kẹ esẹ rayen, ayen mu ọghọ kẹ urhuru mẹ-ẹ,

Iguẹdjọ 6:10

Me da ta kẹ ovwan, nẹ, Mẹvwẹ Ọrovwohwo Ọghẹnẹ rẹ ovwan, ovwan gbe vwẹ ọghọ kẹ edjọ rẹ ihwo rẹ Amọr na-a, ri otọ rẹ ovwan dia na. Ẹkẹvuọvo ovwan nyo urhuru mẹ-ẹ.

Iguẹdjọ 6:8

Etiyin Ọrovwohwo na de ji ọmraro ọvo rhe ihwo rẹ Izrẹl, kọye re ta kẹ ayen nẹ, Enẹ Ọrovwohwo Ọghẹnẹ rẹ Izrẹl na tare! Mẹvwẹ re reyọ ovwan nẹ evun rẹ Ijipt rhe nẹ uwevwi rẹ ọviẹn rhe;

Iguẹdjọ 8:27

Gidiọn da vwo ko ibuluku o de phihọ otorho rọye, vwi Ọfra; Izrẹl ejobi ki vwo gbe ẹgua vwe oboyi, o de rhi hirhe phihọ ufi kẹ Gidiọn vẹ uwevwi rọye.