Iguẹdjọ 15:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin ihwo ri Filistia na da tanẹ, Ono ru emu nana? Ayen da kpahe nẹ, Samsin ọgọ rẹ ohwo ri Timna na, kidie o miere aye vwọ kẹ ugbeya rọye. Etiyin ihwo rẹ Filistia da ra vwẹ erhanre torhẹ aye na kugbe ọsẹ rọye hwe

Iguẹdjọ 15:6 ပူးပေါင်းရင်းမြစ်များ

Isẹ 22:8

Ohwo rọ kon ubi re oshenyẹ ukpokpogho ọye o vuẹn, ọkpọ re ophu rọye che she.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

Iguẹdjọ 12:1

Eshare rẹ Ifrem de se otu ofovwi koko, ayen da gua vrẹn kpo Zafọn ra ta kẹ Jẹfta nẹ, Die sorọ wọ vwọ gua vrẹn ra họnre ihwo rẹ Ammọn, wo vwo jẹ avwanre ese rere avwanre nene uwe ra? Avwanre cha vwẹ erhanre torhẹ uwevwi wẹn ghene uwe.

Iguẹdjọ 14:15

Vwẹ ẹdẹ rẹne ayen da ra ta kẹ aye ri Samsin nẹ, Riẹriẹ ọshare wẹn rere ọ fa otọ rẹ ido na kẹ avwanre, wo rhe ru ọtiọye-e avwanre cha vwẹ erhanre torhẹ owẹ kugbe uwevwi rẹ ọsẹ wẹn Gbenẹ wo rhi se esọn hwe avwanre

Iguẹdjọ 15:5

Ọke ro vwo phopho erhanre na mu nu, o de ji irhiranko na yanran ra ro evun rẹ ugbeka rẹ ihwo ri Filistia, ugbeka kugbe aghwa rẹ oliv ri Filistia da torhẹ djenu.

Iguẹdjọ 15:7

Samsin da ta ke ayen nẹ, Ọ da dianẹ ọtiọna kọye ovwan ruru, mi duvwi iyori nẹ kpẹsiẹ mi reihri rọye vwẹ uyovwi rẹ ovwan nu-u, mi ji ovwan vwo-o.