Iguẹdjọ 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin Jẹfta da djẹ yan jẹ emesẹ rọye vwo, ọ da ra dia otọ ri Tọb; Jẹfta de se ihwo buebu ri gbe ozighi boma, ọ vẹ ayen kọye ri koko kpare ofovwi.

Iguẹdjọ 11:3 ပူးပေါင်းရင်းမြစ်များ

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

2 Samuẹl 10:8

Etiyin ihwo rẹ Ammọn da rhe ayen de rhi si ofovwi koko vwẹ ughere rẹ orere na; kugbe Siria ri Zobah vẹ Rehob, kugbe ihwo ri Tọb vẹ Maakah, e vayen gbe mudia vwẹ asan ophephẹn rẹ orho na.

Iruo rẹ Iyinkọn na 17:5

Ẹkẹvuọvo ihwo ri Ju na ke reoma, rẹ ayen vwọ reyọ ihwo ebrabra evo re ta ọpata, ayen de se otu koko, edo de mu vwẹ evun rẹ orere na, e da họrhọ ro uwevwi ri Jasin, re ayen kpono ayen phia rhe ihwo na.

Iguẹdjọ 11:2

Aye rẹ Giliad de vwiẹ emeshare buebu kẹ; emọ na vwọ ghwanre rhe, ayen da djẹ Jẹfta phihọ ada, ayen da ta kẹ nẹ, Wọ sa re vwẹ uku rẹ uwevwi rẹ ọsẹ rẹ avwanre-e; kidie ọmọ re aye ọfa wo ruẹ.

Iguẹdjọ 9:4

Ayen da reyọ ibi rẹ idọnọ efuanfon ujorha gbe ihwe nẹ evun rẹ uwevwi ri Baalberit vwọ kẹ Abimẹlẹk, ọ da vwẹ igho na vwo durhie ihwo re epha Zighizighi ri gbosoghoro, ayen da yan nene.

1 Samuẹl 22:2

Kohwo kohwo rọ hẹ ukpokpogho, kohwo kohwo rọ re esa, kugbe kohwo kohwo rẹ ofu djeri, da ghwiẹ bro ra; ọda rhe dia onotu rẹ ayen. Ihwo ri nenire joma te ujori ẹne.

1 Samuẹl 27:2

Etiyin Devid de vrẹn ọ da shariẹ ughwru vrẹn rẹ ọye te ihwo ujori esan re vẹ ọye gba herọ, bru Akish rẹ ọmọ ri Maok, ovie ri Gat.