Iguẹdjọ 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin Adonibẹzẹk da ta nẹ Me nyavwe irhiabọ ride kugbe irhiawọ ride rẹ ivie ujorha gbe ihwe kufia dẹvure re rhọrọ ivwuvwu rẹ emu ria vwẹ obotọ rẹ imẹjẹ mẹ, kirobo ri mi ru ihwo, ọye Ọghẹnẹ hwosa rọye ke vwẹ na. Ayen de muo rhe obi Jerusalẹm, o de ghwu phihọ oboyi.

Iguẹdjọ 1:7 ပူးပေါင်းရင်းမြစ်များ

1 Ivie 21:19

Ku wọ ta kẹ, E nẹ Ọrovwohwo tare, Wo hwe nure, ku wọ ra reuku? Ku wọ ta kẹ, E nẹ Ọrovwohwo tare Vwẹ asan re eranko da rare ọbara ri Nabọt etiyin ọ da je rare ọbara wẹn.

Ẹyano 29:20

wo mi hwe egbo na, wọ me rọye emerha rẹ ọbara rọye na vwo te akakọ rẹ orhọn rẹ obọrhe rẹ Erọn vẹ akakọ rẹ orhọn rẹ obọrhe rẹ emeshare rọye, vẹ urhiabọ rode rẹ obọrhe rayen, vẹ urhiawọ rode rẹ owọrhe rayen, ọbara ro chekọ wo mi kuo yariẹ agbada na phihọ.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Zẹfanaya 3:19

Nighẹ, vwẹ ọke yena ki mi hirhe opharo ku otu ri shenyẹ wẹ. Ki mi sivwi ukpono ki mi se otu ra djẹ kufia koko, ki mi wene omaevuọ rayen phihọ ejiro ki mi kperi usi vwẹ akpọ na.

Ọbe ri Pọl si rhe Ihwo ri Rom 2:15

Ayen dje phia nẹ e si obo rẹ urhi na guọnọre phihọ udu rayen, yẹ udu rayen ghwe se oseri kẹ ayen, yẹ iroro rayen rọ tagha ku ghwe brẹ hwe eyẹ brẹ kẹ ayen.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Iguẹdjọ 1:6

Adonibẹzẹk da djẹ, ẹkẹvuọvo ayen da vwọ tua, ayen de muo, ayen da nyavwe irhiabọ ride kugbe irhiawọ ride rọye kufia.

Iguẹdjọ 9:24

rere umwemwu ro ru kpahe emeshare ujorha gbe ihwe ri Jerubbaal kugbe rere a reihri rẹ ọbara rọye vwẹ uyovwi rẹ Abimẹlẹk rẹ ọmọsẹ rayen, ro hwe ayen, kugbe uyovwi rẹ ihwo ri Shikẹm, ri phi ogangan phihọ abọ rọye ro vwo hwe emesẹ rọye.

Iguẹdjọ 9:57

je ọtiọye na Ọghẹnẹ vwọ hwosa re umwemwu rẹ ihwo ri Shikẹm ejobi ruru vwọ kẹ ayen kugbe iyori ri Jotam ọmọ ri Jerubbaal duvwuru da sẹ vwẹ uyovwi rayen.

1 Samuẹl 15:33

Samuẹl da ta, kirobo rẹ ọlọkọ wẹn nẹrhẹ eya dia ẹga na, ọtiọye oni wẹn je dia ẹga vwẹ ohri rẹ eya. Samuẹl de she Agag ibribro vwẹ obaro rẹ Ọrovwohwo vwi Gilgal.