Iguẹdjọ 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin Juda da yanran, Ọrovwohwo de phi ihwo ri Kenan na kugbe ihwo ri Pẹriz na phihọ obọ rayen, ayen de phi ihwo uriori ihwe kparobọ vwi Bẹzẹk.

Iguẹdjọ 1:4 ပူးပေါင်းရင်းမြစ်များ

1 Ivie 22:15

Ọke ro rhi vwo te asan rẹ ovie, ovie na da ta kẹ, Maikaya, avwanre kpare ofovwi kpo Ramot-gilead, gbenẹ avwanre jovwo? Ọ da kpahe kẹ, Ra re phi kparobọ; Ọrovwohwo che phio phihọ obọ rẹ ovie.

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Une rẹ Ejiro 78:55

Ọ da djẹ ẹgborho nẹ obaro kẹ ayen; ọ da ghare otọ na ẹkuẹko kẹ ayen ọ da vwẹ itughẹ royen vwọ kẹ orua rẹ Izrẹl dia.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Urhi Rivẹ 9:3

Vwẹ ọtiọye na ko wọ riẹn nonẹ na, nẹ Ọrovwohwo Ọghẹnẹ wẹn na ohwo rọ wan vrẹn karo kẹ wẹ kerẹ erhanre rọ ghwọrọ; ọ cha ghwọrọ ayen, ọ cha vwẹ ayen totọ vwẹ obaro wẹn; eriyin wọ cha djẹ ayen phia, wo mi ru ayen re ghwọrọ phẹrẹkpẹ, kirobo rẹ Ọrovwohwo ta kẹ wẹ vẹrhe.

Iguẹdjọ 1:3

Juda da ta ke Simiọn rẹ oniọvo rọye nẹ, Mọ rhi nene uvwe kpo obo otọ ra ghare kẹ vwe na, rere avwanre ra họnre ihwo ri Kenan na; rere Mi ji nene uwe kpo obo otọ ra ghare kẹ wẹ na. Ọtiọye na Simiọn de nene yanran.

Iguẹdjọ 1:5

Ayen de bru Adonibẹzẹk rhe vwẹ obi Bẹzẹk, rhi nene họnre, ayen de phi ihwo ri Kenan kugbe ihwo ri Pẹriz na kparobọ.

Iguẹdjọ 11:32

Ọtiọye na Jẹfta da gua vrẹn bru ihwo rẹ Ammọn ra họnre ayen; Ọrovwohwo de phi ayen phihọ obọ rọye.

Iguẹdjọ 3:5

Ọtiọye na ihwo rẹ Izrẹl da dia kugbe ihwo ri Kenan, ihwo rẹ Het, ihwo rẹ Amọr, ihwo ri Periz, ihwo rẹ Hiv, kugbe ihwo ri Jebu;

1 Samuẹl 11:8

Ọke rọ rhe vwọ ghwẹ ayen koko vwi Bẹzẹk, ihwo rẹ Izrẹl da dia uriori ujori erha, ihwo ri Juda da dia uriori ọgban.

1 Samuẹl 14:10

Ẹkẹvuọvo ọ da dianẹ ayen tare nẹ, Yan bru avwanre rhe, kẹ avwanre bru ayen ra kidie yẹ Ọrovwohwo phi ayen phihọ obọ rẹ avwanre nure. Ọnana kọ dia oka vwọ kẹ avwanre.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.