Iguẹdjọ 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Juda da ta ke Simiọn rẹ oniọvo rọye nẹ, Mọ rhi nene uvwe kpo obo otọ ra ghare kẹ vwe na, rere avwanre ra họnre ihwo ri Kenan na; rere Mi ji nene uwe kpo obo otọ ra ghare kẹ wẹ na. Ọtiọye na Simiọn de nene yanran.

Iguẹdjọ 1:3 ပူးပေါင်းရင်းမြစ်များ

Jẹnẹsis 29:33

Ọ da rhoma mrevun o de vwiẹ ọmọshare, ọ da ta, kidie Ọrovwohwo nyori ni mi tuoma, ọye ọ vwọ rhoma kẹ vwẹ ọmọshare; o de se odẹ rọye Simiọn.

2 Samuẹl 10:11

Ọ da ta, Ihwo ri Siria da gan nọ kẹ vwẹ, wọ me cha vwẹ uko, ihwo ri Ammọn da rha gan nọ kẹ wẹ, ke me rha cha wẹ uko.

Joshua 19:1

Ẹkẹn rivẹ de nẹ ute ri Simiọn rhe, ra ghare kẹ orua ri Simiọn, kirobo rẹ ekru rọye epha, ẹkẹn uku rọye da evun rẹ uku rẹ orua ri Juda.

Ẹvwọphia 7:7

orua ri Simiọn a ka oka phihọ uriori ihwivẹ orua ri Livae a ka oka phihọ uriori ihwivẹ orua rẹ Isaka a ka oka phihọ uriori ihwivẹ

Iguẹdjọ 1:17

Juda vẹ Simiọn rẹ oniọvo rọye da yanran, ayen de re phi ihwo ri Kenan re dia Zefat kua, ayen da guọghọ fiotọ. Fiki rẹ ọtiọye na e de se odẹ re orere na Họrmah.

Iguẹdjọ 1:2

Ọrovwohwo da ta ne, Juda re cha ra, nighe, Mi phi otọ na phihọ obo rọye nure.

Iguẹdjọ 1:4

Etiyin Juda da yanran, Ọrovwohwo de phi ihwo ri Kenan na kugbe ihwo ri Pẹriz na phihọ obọ rayen, ayen de phi ihwo uriori ihwe kparobọ vwi Bẹzẹk.