Hosia 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ayen gbe jẹ udi ku Ọrovwohwo ọfa-a; ayen gbe sa vwẹ izobo rayen na phoro aro-o. Emuọre rayen kọ họhọ emu rẹ uvweri; ihwo re rerọ ejobi yi gbe ẹgua; emu ayen kẹ owẹvwe rayen ọvo ofue; a cha vwọ vwẹriẹ uwevwi rẹ Ọrovwohwo kakaka-a.

Hosia 9:4 ပူးပေါင်းရင်းမြစ်များ

Ẹyano 29:40

wọ me rọye obere ihwe rẹ ọka ra nọre kugbe abọvo rẹ ukoko rẹ evwri re gberi vwọ ba omogodẹ rẹ ẹsosuọ na, kugbe ẹkẹn ẹne re ukoko rẹ udi ra jẹ kuotọ.

Ẹyano 40:23

Ọ da nabọ vwẹ ikara na kpahe obaro rẹ Ọrovwohwo na edjẹdje, kirobo rẹ Ọrovwohwo ta kẹ Mosis.

Aizaya 57:6

usun rẹ ibieragha riorio re he evun rẹ iyara na ọye ẹkẹn wẹn epha, ayen, ayen, ute wẹn; ayen wo ku udi kuẹ, ayen wo ze izobo rẹ ọka kẹ. Enana keye e vwo fue ophu Mẹ?

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Jerimaya 16:7

Ohwo che bru ikara kẹ ọ rọ vweri uvweri-i, ro vwo bruche fiki rẹ ohwo rọye ro ghwuru na-a; ohwo je vwẹ uko rẹ uchebro kẹ vwi fiki rẹ ọsẹ eyẹ oni rọye-e.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Izikiẹl 24:17

Ku ẹnwẹn kokodo, ẹkẹvuọvo wo jọ phia-a; wo muomahọ kẹ ọ ro ghwuru-u. Vwẹ erhu wẹn tughẹ, ku isabato wẹn phihọ awọ wẹn; wo rhurhẹ ẹbẹrunu wẹ-ẹn, eyẹ wọ ria ikara rẹ otu rẹ uvweri-i.

Izikiẹl 24:22

Ku wo ru kirobo ri mi ruru na; wo che rhurhu ẹbẹrunu wẹ-ẹn, eyẹ wọ cha re ikara rẹ uvweri-i.

Daniẹl 1:8

Ẹkẹvuọvo Daniẹl de roro nẹ ọye sa vwẹ ifiki rẹ avwerhe rẹ emu esiri rẹ ovie na eyẹ udi rẹ ọ dare vwo gbe oma rọye ẹgua-a. Fiki rẹ ọtiọye ọ da ta kẹ olori rẹ eghwanran na nẹ o rhe jẹn ọye gbe oma rọye ẹgua-a.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Hosia 7:16

Ayen rhivwi bru Baal ayen họhọ umurhabọ ro brakpẹn, a cha vwẹ ọlọkọ hwe isun rayen, fiki rẹ arueyivwo rọ vọn unu rayen. Ọna kọ dia ehwẹjẹ kẹ ayen vwẹ otọ rẹ Ijipt.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:9

Izobo rẹ ọka kugbe izobo rẹ udi e bru ayen kufia nẹ uwevwi rẹ Ọrovwohwo na. Irherẹn na muomahọ, otu ri gbe odibo kẹ Ọrovwohwo na.

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Livitikọs 17:11

Kidie arhọ rẹ oma na evun rẹ ọbara na ọ epha, Me ke rha reyọ kẹ ovwan vwẹ enu rẹ agbada rẹ ẹga na rere a vwọ gọ ẹgua nẹ ovwan oma, kidie ọbara na ọye si ẹgua nẹ ohwo oma, fiki rẹ arhọ rọ evun rọye.

Livitikọs 21:17

Ta kẹ Erọn nẹ, E jẹn ohwo kohwo rẹ unurhoro wẹn na ro vwo ota vwẹ oma rọye cha che ze izobo re emu kẹ Ọghẹnẹ rọye-e.

Livitikọs 21:21

ohwo kohwo vwẹ orua rẹ Erọn na ro vwo oka se si kẹrẹ re o ze izobo ra torhẹre kẹ Ọrovwohwo na-a fikirobo ro vwo vwo oka na ọ rha sa rhe ri ze izobo rẹ emuọre kẹ Ọghẹnẹ rọye-e.

Livitikọs 21:6

Ayen gba dia fuanfon vwọ kẹ Ọghẹnẹ rayen, re ayen vwo jẹ odẹ rẹ Ọghẹnẹ rayen emiovwo; kidie ayen ihwo re vwẹ erhanre ze izobo kẹ Ọrovwohwo, emuọre rẹ Ọghẹnẹ rayen vwẹ ọtiọye na kẹ ayen dia fuanfon.

Livitikọs 21:8

Wẹ re reyerọ vwo mu, kidie ọye re cha vwẹ emuọre gọ Ọghẹnẹ wẹn, kọ je dia fuanfon kẹ wẹ, kidie Mẹvwẹ Ọrovwohwo ro ru we fon, Me pha fuanfon.

Emọs 5:22

Owenẹ wo ze izobo re ẹtorhẹ kẹ vwẹ vẹ izobo rẹ ọka, Me cha reyọ aye-en, izobo rẹ ufuoma ru wọ vwẹ eranvwe vẹ ivwri ze mi che fovwe ẹro no-o

Malakae 2:13

Ọna kọye wọ rhọma ru. Wọ da ra viẹ ku enu rẹ agbada rẹ Ọrovwohwo na, vẹ oma ebere kugbe enuebro fikiridie ọ gbe vwẹ evun esiri reyọ ẹkpẹvwẹ rẹ ovwa-an.

Ukeri 19:11

Ohwo rọ vwẹ obọ te orivwi rẹ ohwo kohwo yo gbe ẹgua, ọ me dia etiyin ẹdẹ ighwrẹn;

Ukeri 28:2

Ji urhi kẹ ihwo rẹ Izrẹl, re wọ ta kẹ ayen, izobo mẹ, emuọre mẹ re vwo ze izobo rẹ ẹtorhẹ, ọnrhẹn ororo mẹ, wọ me jomaotọ ru we ze kẹ vwẹ vwẹ ọke rọye.

Ukeri 4:7

Vwẹ enu rẹ imẹjẹ rẹ ikara ra vwọ nẹ na ayen ke riẹn amwa rẹ ọgiọgiọ phihọ, wo mu isete na phihọ, te idjokpo rẹ insens na, igebune na, kugbe ọmọtoto rẹ udi rẹ izobo na; ikara rẹ kọke kọke na kọ dia enu rọye;

Iyẹnrẹ Esiri ri Jọn 6:51

Mẹvwẹ hẹ Ikara ro je ghwo na ro nẹ obo odjuvwu rhe na; ohwo da re ikara nana nu, kọ rhọ bẹdẹ; ikara na re me cha kẹ fiki rẹ arhọ rẹ akpọ na ọye hẹ uvwo rẹ oma mẹ.

Urhi Rivẹ 26:14

ọke ri mi vwo muoma phihọ Me sa re vwẹ ẹkẹnhwe wẹn na-a, Me je vwẹ ijẹfuọn mẹ reyọ ọvuọvo no-o, Me je vwẹ ọvuọvo rọye gọ iye kẹ orivwi-i; mi nyo urhuru rẹ Ọrovwohwo rẹ Ọghẹnẹ mẹ, ọtiobo ri wo ji iji kẹ vwẹ eriyin mi ruru.