Hosia 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ayen gbe cha dia otọ rẹ Ọrovwohwo na-a; ẹkẹvuọvo Ifrem che rhivwi kpo Ijipt, ayen ke re emu rijẹfuọn vwẹ otọ rẹ Asiria.

Hosia 9:3 ပူးပေါင်းရင်းမြစ်များ

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 2:7

Me reyọ owẹ rhe otọ rọ vọnre vẹ emu re wọ ghọghọ vwẹ emamọ vẹ emuesiri rọye. Ẹkẹvuọvo wọ vwọ ro otọ mẹ na nu wo de miovwo, wọ da vwẹ ukuẹriọ mẹ vwo gbe ẹgua.

Uvwerhe 5:6

Avwanre ke yara emu miẹ Ijipt, kugbe Asiria, rere evun kọ vọn avwanre.

Izikiẹl 4:13

Ọrovwohwo da ta, Enẹ ihwo rẹ Izrẹl re ikara rayen vwi jẹfuọn, vwẹ ohri rẹ ẹgborho re me cha djẹ ayen ra na.

Daniẹl 1:8

Ẹkẹvuọvo Daniẹl de roro nẹ ọye sa vwẹ ifiki rẹ avwerhe rẹ emu esiri rẹ ovie na eyẹ udi rẹ ọ dare vwo gbe oma rọye ẹgua-a. Fiki rẹ ọtiọye ọ da ta kẹ olori rẹ eghwanran na nẹ o rhe jẹn ọye gbe oma rọye ẹgua-a.

Hosia 11:11

Ayen cha vẹ ophariẹ kerẹ emephran ri nẹ Ijipt cha, kerẹ ilekuku ri nẹ Asiria cha, ke me vwẹ ayen rhivwi kpo iwevwi rayen, eriyin Ọrovwohwo tare.

Hosia 11:5

Ayen che rhivwi kpo otọ rẹ Ijipt, Asiria kọ cha dia ovie rayen, fikiridie ayen rhọvwe rhivwi bru vwẹ rhe-e.

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.

Hosia 7:16

Ayen rhivwi bru Baal ayen họhọ umurhabọ ro brakpẹn, a cha vwẹ ọlọkọ hwe isun rayen, fiki rẹ arueyivwo rọ vọn unu rayen. Ọna kọ dia ehwẹjẹ kẹ ayen vwẹ otọ rẹ Ijipt.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.

Livitikọs 18:28

rere otọ na vwo jẹ ovwan e geri kufia, rẹ ovwan de gbe ẹgua, kirobo ro geri ihwo re ka dia jovwo kufia na.

Livitikọs 20:22

Fiki rẹ Ọnana ovwan gba yọnre irhi mẹ ejobi vẹ iji mẹ ejobi, re we ru ayen; rere otọ re Me vwẹ ovwan ra na vwo jẹn ovwan ẹkpa kufia.

Livitikọs 25:23

A sa shẹ otọ na bẹdẹ-ẹ, kidie otọ na ọ mẹ, kidie ovwan erhorha mẹ ve ihwo ri nene uvwe dia.

Emọs 7:17

Fiki rẹ ọtiọye na e nẹ Ọrovwohwo tare, Aye wẹn che hirhe phihọ igberadja vwẹ evun rẹ orere na, te emeshare wẹn vẹ emetẹ ka vwẹ ọlọkọ nyavwe ayen hwe. Ka vwẹ ufi ma otọ wẹn ghare, ekpuyovwi wẹn ko ghwu phihọ otọ rọ fonro-o, Izrẹl che kpo imu vwẹ isiorho.

Maika 2:10

Vrẹn wọ yanran, kidie ọna dia asan re de rovwoma-a; fiki rẹ emu ogbeghbe rọ guọghọ rọ guọghọ vẹ ivuemiovwo rode.

Iruo rẹ Iyinkọn na 10:14

Ẹkẹvuọvo Pita da ta, Ejọ, Ọrovwohwo; kidie me je re oghẹre eyẹ emu ogbegbe tiọna dẹvo-o.

Urhi Rivẹ 28:63

Kirobo ro je Ọrovwohwo ro vwo ru ovwan yovwi bu phihọ na, eriyin o ji je Ọrovwohwo ro vwo si emiovwo rhe ovwan rọ vwọ ghwọrọ ovwan, kọ djẹ ovwan kufia nẹ otọ rẹ ovwan ra dia na.

Urhi Rivẹ 28:68

Ọrovwohwo cha rhoma vwẹ ekọ ghwẹ ovwan kpo Ijipt, oyan ri mi veri nẹ ovwan gbe yan ọfa-a; ovwan ke dia Etiyin shẹ oma rẹ ovwan eviẹn rẹ eshare vẹ e rẹ eya kẹ ivwighrẹ rẹ ovwan, yẹ a mrẹ ohwo rọ dẹ ovwa-an.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.

Joshua 23:15

Ẹkẹvuọvo kirobo rẹ emu esiri rẹ Ọrovwohwo Ọghẹnẹ rẹ ovwan ve kẹ ovwan na ro de ru ayen ejobi gba kẹ ovwan na, eriyin rhe Ọrovwohwo je cha vwẹ emu ọbrabra kẹ ovwan, bẹsiẹ rọ vwọ guọghọ ovwan nẹ otọ yoyovwi nana rẹ Ọrovwohwo Ọghẹnẹ rẹ ovwan vwọ kẹ ovwan na,