Hosia 9:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Hosia 9:1 ပူးပေါင်းရင်းမြစ်များ

Une rẹ Ejiro 73:27

Kidie gbe no, otu ri tephe kẹ wẹ ke cha ghwọrọ; wẹ ri se phi oba phihọ otu re vwe oma da wẹ ghevweghe.

Aizaya 17:11

wo de se ru ayen djẹ vwẹ ẹdẹdẹ ru wọ kọn ayen na, re da sa kpipho vwẹ irhirhiọke ru wọ kọnrọn na; dede na orhọ rọye cha djẹ yanran vwẹ ẹdẹ rẹ ivuemiovwo na kugbe odjadja re je se sivwo na.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Uvwerhe 4:21

Ghọghọ re oma vwerhe owẹ, E emetẹ rẹ Idọm, ovwan re dia otọ rẹ Uz; ẹkẹvuọvo uko na je cha wan ovwan vrẹn; idi ki che mu ovwan kẹ ovwan cha ban phihọ.

Izikiẹl 16:15

Ẹkẹvuọvo wọ da vwẹ ẹro so erhuvwu wẹn, wo de gbe igberadja fiki rẹ usi wẹn, erhuvwu wẹn kọye wo vwo gbe igberadja kẹ ihwo re wanvrẹn.

Izikiẹl 16:30

Mavọ unuavwerhe rẹ ọfanrhiẹn vọn udu wẹn te, eriyin Ọrovwohwo Ọghẹnẹ tare, ru wo vwo ru imu nana, uruemu rẹ unuavwerhe rẹ igberadja na,

Izikiẹl 20:32

Obo ru wo roro vwẹ evun wẹn na cha sa phia-a iroro evun wẹ na, Jẹn avwanre dia kerẹ ẹgborho na, kerẹ orua rẹ irho na, re gọ urhe vẹ oragha.

Izikiẹl 21:10

a nọro da phẹrẹphẹrẹ re ọghwọrọ, e riere fia re ọ nyavwẹ aro kerẹ enu! Eyẹ kẹ avwanre ghọghọ? Wọ jẹ ọkpọ na fia, ọmọ mẹ, kugbe emu kemu ra vwẹ urhe kare.

Hosia 10:5

Ihwo ri Samiera re muẹ phariẹ fiki rẹ ọmọ rẹ erhuẹn ri Bẹtaven. Ihwo rọye ki che muomahọ kẹ, irherẹn rẹ edjọ rayen ki che muomahọ kẹ, fiki rẹ urinrin rọye ro muro oma.

Hosia 2:12

Ke me guọghọ irhe ri vain vi figi rọyẹ, rọ ta ota kpahe nẹ, Enana osa mẹ, rẹ esen mẹ vwọ kẹ vwẹ. Mi ru ayen hirhe phihọ egbo, eranvwe rẹ aghwa ke re ayen.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Hosia 5:4

Uruemu rayen gbi jẹn ayen hirhe bru Ọghẹnẹ raye-en. Kidie erhi rẹ igberadja hẹ evun rayen, ayen gbe riẹn Ọrovwohwo-o.

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.

Emọs 3:2

Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi.

Emọs 4:5

vwẹ obo ri phuru vwọ kpẹvwẹ ẹkpẹvwẹ, re wo ghwoghwo ẹkpẹvwẹ ro nẹ udu rhe, ghwoghwo ayen; kidie ọtiọye ovwan guọnọ ru E ihwo rẹ Izrẹl, Ọrovwohwo Ọghẹnẹ na tarọ.

Emọs 6:13

Ovwan re ghọghọ vwi Lodeba, re tanẹ, Ọ dia ogangan rẹ avwanre ma vwọ reyọ Karnaim ke oma re avwanre?

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Jems 4:16

Ẹkẹvuọvo, kirobo re me mrẹ, ovwan ke ghọghọ vwẹ evun rẹ oma ephuo rẹ ovwan, aghọghọ yena yoma-a.

Jems 5:1

Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.