Hosia 8:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Phi owanre na phihọ unu wẹn, kidie udene ọ hẹ enu rẹ uwevwi rẹ Ọrovwohwo, kidie ayen miovwo ọphọ mẹ, ayen da chọ urhi mẹ.

Hosia 8:1 ပူးပေါင်းရင်းမြစ်များ

Ivie rẹ Ivẹ 18:27

Ẹkẹvuọvo Rabshake na da kpahe kẹ ayen, Ọrovwovwe onini mẹ ji uvwe rhe re ta ota nana kẹ ọrovwowe vẹ ovwan, ọ gbe rha dia eshare re dia obi igbẹhẹ na-a, re vẹ ovwan che ghwẹ kufia na re ayen re isọn da ephẹ robọ rayen?

Aizaya 18:3

Ovwan ihwo ejobi rẹ akpọ na ovwan rẹ dia akpọ na, Ra da kpare aphiana kpenu vwẹ enu rẹ igbenu gbe nọ! Re de hworo owanre, gbe nyo!

Aizaya 24:5

Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Jerimaya 34:18

Ihwo re chọ urhi rẹ ọphọ mẹ na re gbe yọnrọn obo re si phihọ ọphọ rẹ ayen rere vwẹ obaro mẹ na-a, ki mi che ruo kerẹ ọmọ rẹ erhuẹn ra vare ẹbẹre ivẹ ra da wan uherevie rọye vrẹ.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 4:5

Do vwi Juda, wo ghwoghwo vwi Jerusalẹm, tanẹ, Hworo owanre wan otọ na duvwu, kperi gangan tanẹ, Ghwẹ oma koko, wo jẹn avwanre yanran kpo irere ra gba ogba riariẹ na.

Jerimaya 48:40

Kidie enẹ Ọrovwohwo tare: Nighe, ọvo cha rhan pherephere kerẹ ugo, kọ bẹrẹ ibekpe rọye sa Moab,

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Jerimaya 6:1

Djẹ kẹ arhọ wẹn, E ovwan ihwo ri Bẹnjamin, nẹ uherevie ri Jerusalẹm! Hworo ọgban vwi Tekoa, dje oka phia vwi Betakcherem; kidie umiovwo re ghwie nẹ obohwẹre ọnre cha, kugbe eghwọrọ rode.

Izikiẹl 11:4

Fiki rẹ ọtiọye na gba mraro kpahe ayen, mraro, E ọmọ rẹ ohwo.

Izikiẹl 16:59

Uyota, enẹ Ọrovwohwo Ọghẹnẹ tare: mi nene uwe ru kirobo wo ruru na, wẹ rọ jẹ ivẹ na kufia wo de miovwi ọphọ na,

Izikiẹl 17:3

ta, Enẹ Ọrovwohwo Ọghẹne tare Ugo rode vẹ ibekpe rode kugbe ugbunu piọnpiọn, vẹ iphoro jigbri dohwo doka rọye, da rhe Lebanọn rhi fru enu rẹ igẹdu reyọ,

Izikiẹl 7:14

Ayen hworo owanre ayen choma ejobi nure; ẹkẹvuọvo ọvuọvo kpo ofovwi-i, kidie ivuemiovwo me o hẹ enu rayen ejobi.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 5:8

Hworo owanre vwi Gibia, hworo owanre vwi Rama Bunu vwi Bẹtaven Phariẹ, E Bẹnjamin.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Hosia 9:15

Umwemwu kumwemwu rẹ ayen vwẹ oma phia vwi Gilgal; etiyin oma rẹ ayen wan tu vwe cha na. Fiki rẹ obrabra rẹ uruemu rayen ke me djẹ ayen nẹ uwevwi mẹ. Me gbe guọnọ ayen ọfa-a; isun rayen na ihwo rẹ okpetu.

Joẹl 2:1

Hworo owanre na vwi Zayọn, teye unuebo vwẹ ugbenu ọfuanfon mẹ Jẹn ihwo re dia otọ na ejobi mu phariẹ, kidie ẹdẹ rẹ Ọrovwohwo na, ọ kẹrire,

Joẹl 2:15

Hworo owanre vwi Zayọn, bru ẹdẹ rẹ owẹvwe echiro, se ọghwẹgbe ri ruru;

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Emọs 8:3

Ine rẹ uwevwi rẹ Ọghẹnẹ na, ko che hirhe phihọ oviẹ vwẹ ẹdẹ yena, eriyin Ọrovwohwo Ọghẹnẹ na tare, irivwi na ke cha dia buebu, vwi kasan kasan ke che mu aycn kufia runrun.

Emọs 9:1

Me da mrẹ Ọrovwohwo ro mudia vwẹ oma rẹ agbada na; Ọ da ta. Kporo ichivwo na bẹsiẹ rẹ ichiotọ na vwo yeghe, ro vwo rhurie she teyẹ iyovwi rẹ ihwo na ejobi, iri ghwu chekọ ke Me vwọ ọlọkọ hwe ayen; ọvuọvo rẹ ayen cha sa djẹ vabọ-ọ, ọvuọvo rẹ ayen sa djẹ yanra-an.

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.

Zẹfanaya 1:16

Ẹdẹ rẹ owanre ehworo vẹ unuebo rẹ ofovwi vwọ so irere ra gba ogba riariẹ ogba ri kpenu ra gba hẹrhẹ ofovwi.

Zekaraya 11:1

Rhie ẹchẹ wẹn, E Lẹbanọn, rere erhanre vwọ ghwọrọ igedu wẹn!

Zekaraya 9:14

Etiyin Ọrovwohwo kọ cha vwẹ oma phia kẹ ayen odada rọye kọ yanran kerẹ enu rọ nyavwaro. Ọrovwohwo Ọghẹnẹ che hworo owanre na, ọ Me yan phia vwẹ odju rẹ ovwre re hẹ obọrhe ọnre.

Matiu 24:28

Asan rẹ irivwi epha etiyin ekala de koko.

1 Kọrẹnt 15:52

vwẹ ọmọke na, vwẹ ẹroẹbrẹ na, rẹ owanre rẹ obo oba na. Kidie owanre na che hworo, irivwi na ki che vrẹn vwi jegbo, ke che wene avwanre.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e