Peka ọmọ ri Remalaya, olori rọye vẹ eshare ujuvẹ gbẹ ihwe ri Giliad da ro ero kpahọ, ayen de hwe vwi Sameria, vwẹ ohẹrhẹ rọ hẹ evun rẹ uwevwi rẹ ovie na; o hwe re nu ọ da rha re uvie vwẹ ẹdia rọye.
Etiyin Hoshea ọmọ rẹ Ela da ro ero kpahe Peka ọmọ ri Remalaya, ọ da ghwiẹ she teye otọ, o de hwe, ọ da re uvie vwẹ ẹdia rọye, vwẹ ukpe uje ri Jotam ọmọ rẹ Uzaya.
O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.
Me da guọnọ ohwo vwẹ ohri rẹ ayen rere ọ bọn igbẹhẹ na rọ mudia vwẹ asan guọghọre rọ hẹ obaro mẹ vwẹ otọ na, rere mi vwo jẹ ẹguọghọ; ẹkẹvuọvo a mrẹ ọvuọvo-o.
Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.