Hosia 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Vwẹ ẹdẹ rẹ ovie re avwanre na, isun na de she ọga fiki rẹ ọrhorho rẹ udi, ọ vẹ otu re vwẹ ihwo jehwe gbe yoro obọ phia.

Hosia 7:5 ပူးပေါင်းရင်းမြစ်များ

Jẹnẹsis 40:20

Vwẹ ẹdẹ rẹ erha, rọ dia eduvwiẹ ri Fero, o de chere emu kẹ idibo rọye ejobi, ọ da kpare uyovwi rẹ onotu rẹ omuidi na kpenu kugbe uyovwi rẹ onotu rọ kakemu na kpenu vwẹ usun rẹ idibo rọye na.

1 Ivie 13:4

Ọke rẹ ovie na vwo nyo eta rẹ ohwo rẹ ọfuanfon na, ro vwo bunu kpahe agbada ri Bẹtẹl na, Jeroboam da riẹnobọ rọye nẹ obọ agbada na rhe, tanẹ, Yọnrọn. Obọ rọye rọ riẹn kpahọ na, da ghwa yamu, ọtiọye na o gbi se sio rhivwi-i.

Une rẹ Ejiro 1:1

Ebuphihọ ke ohwo na rọ yan nene eghwanre rẹ iruimwemwu-u, eyẹ ro mudia phihọ idjerhe re ihwo umwemwu-u, eyẹ tidia vwe ohwarha rọ jehwẹ-ẹ;

Une rẹ Ejiro 69:12

Mẹvwẹ kọye otidia ohwarha vwo gbe ikun, e rẹ idi muẹ ke omẹvwẹ ayen vwọ so ine.

Isẹ 13:20

Ohwo rọ yan nene ẹvwaghwanre ko vwọ aghwanre, ẹkẹvuọvo ugbeyan rẹ ẹkpa kọ re oja.

Isẹ 20:1

Udi vwẹ ohwo jehwe, udi ọgangan nẹrhẹ ohwo phihọ ohọnre; ohwo rẹ udi sun ghwru yo vwo ọhọ-ọ.

Aizaya 28:1

Ekan kẹ erhu rẹ uvie rẹ eheri rẹ ọgbaudi rẹ Ifrem, kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi rẹ ihwo rẹ udi muẹ.

Aizaya 28:14

Vwẹ ọtiọye na we nyo ota rẹ Ọrovwohwo na, ovwan ejehwẹ na, ri sun ihwo nana vwi Jerusalẹm!

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Hosia 7:3

Vwẹ oma rẹ umwemwu rayen kọye oma vwo muẹ ovie vwerha, isun na vwẹ oma rẹ ozighi rayen.

Matiu 14:6

Ọke rẹ ẹdevwiẹ ri Hẹrọd vwo te, ọmọtẹ ri Hẹrọdias de rhi gbe eha, eha na da vwerhe Hẹrọd gangan.

Iyẹnrẹ Esiri ri Mak 6:21

Rẹ uphẹ rhe vwọ dia ẹduvwiẹ rẹ Herọd rhi vwo te o de chere emu kẹ ehọnvwọnre rọye kugbe inotu rẹ ofovwi vẹ ihwo ride ri Galili;

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.