Hosia 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ayen ejobi igberadja re kpae, ayen họhọ enyerhanre rọ tuabọ gidi gidi, rẹ ohwo rọ kakemu rha hra erhanre na tavwe rọ ke kake-e.

Hosia 7:4 ပူးပေါင်းရင်းမြစ်များ

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Hosia 4:10

Ayen ke re, je evun vọn aye-en, ayen gbe igberadja jẹn ayen buru-u; kidie ayen siẹn Ọrovwohwo ọfarhiẹ kọye ayen gbe.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

1 Kọrẹnt 5:6

Omaẹyan rẹ ovwan yovwiri-i. Ovwan rha riẹn nẹ ubiughweri tutuno re nẹrhẹ oghwo riọ-ọ?

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.