Hosia 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ oma rẹ umwemwu rayen kọye oma vwo muẹ ovie vwerha, isun na vwẹ oma rẹ ozighi rayen.

Hosia 7:3 ပူးပေါင်းရင်းမြစ်များ

1 Ivie 22:13

Ikọn re ji re se Maikaya na da ta kẹ, Nighe, emraro na ejobi ku unu gbe ọvo ta ota vwevwerhe kẹ ovie; gbe jẹ ota wẹn je họhọ ọ rẹ ayen, re wọ ta ota ọvwevwerhe.

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

Jerimaya 37:19

Bovọ emraro wẹn na epha re mraro kẹ wẹ, nẹ Ovie ri Babilọn cha rhe ro de mu kpahe owẹ kugbe otọ nana-a.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Hosia 10:13

Wọ kọn orukuruku, wọ de rhe vun oshenyẹ wọ re emamọ rẹ efian. Fikiridie wọ vwẹ ẹro so ekpẹrẹ rẹ ofovwi wẹn, kugbe ebuo rẹ ẹgba rẹ ofovwi wẹn.

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Hosia 5:11

E shenyẹ Ifrem, a guọgherọ vwẹ ẹdjeguo, fikiridie emu gheghe ọ guọnọ nene.

Hosia 7:5

Vwẹ ẹdẹ rẹ ovie re avwanre na, isun na de she ọga fiki rẹ ọrhorho rẹ udi, ọ vẹ otu re vwẹ ihwo jehwe gbe yoro obọ phia.

Maika 6:16

Kidie wọ je sẹro rẹ irhi rẹ Omri, kugbe iruo rẹ uwevwi rẹ Ehab; wọ da yan nene iroro rayen; rere mi vwo ru we dia ofefe, ihwo re dia evun wẹn ke fiọn unu yan; ọtiọye na ku wọ ghwa oghwa rẹ ehwẹjẹ rẹ ihwo na.

Maika 7:3

Obo rayen hẹ emu umwemwu eruo, ayen nabọ ruo dẹndẹn; te osun te oguẹdjọ ra nọ ekpẹn rẹ udi, ohwo rode ra ta ota umwemwu rẹ erhi rọye guọnọre; kẹ enẹ ayen rhuo koko.

Ọbe ri Pọl si rhe Ihwo ri Rom 1:32

Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

1 Jọn 4:5

Ayen ihwo rẹ akpọ na, fiki rẹ eriyin na obo rẹ ayen ta kẹ ota rẹ ihwo rẹ akpọ na, akpọ na kọ kerhọn rẹ ayen.