Hosia 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ẹkẹvuọvo ayen gbi rhe roro-o nẹ me karoho iruo ọbrabra raye-en. Asakiephana uruemu rayen riariẹ ayen phihọ, ayen hẹ obaro mẹ.

Hosia 7:2 ပူးပေါင်းရင်းမြစ်များ

ỌBE RẸ JOB 34:21

Kidie ẹro rọye hẹ idjerhe rẹ ohwo rẹ akpọ, ọ mrẹ ichiyotọ rọye ejobi.

Une rẹ Ejiro 10:11

O roro vwẹ udu rọye nẹ, Ọghẹnẹ gbe karọphihọ-ọ, o si opharo rọye nu, ọ gbe cha mrẹ bẹdẹ-ẹ.

Une rẹ Ejiro 25:7

Wọ karọhọ umwemwu rẹ ọkeemọ mẹ-ẹ, eyẹ ọgbeku mẹ na-a; kirobo re ẹguọnọ wẹn rọ rhẹriẹ-ẹ epha karohọ ovwẹ, fiki rẹ erhuvwu wẹn, E Ọrovwohwo!

Une rẹ Ejiro 50:22

Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Une rẹ Ejiro 90:8

Wọwẹ ri mu imwemwu rẹ avwanre phihọ obaro wẹn, imwemwu rẹ avwanre re djahere he evun rẹ urhukpẹ rẹ opharo wẹn.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Aizaya 44:19

O vwo ohwo ro roro-o, eyẹ o vwo erianriẹn eyẹ evughe rọ vwọ tanẹ, Ubro rọye me torhẹre vwẹ erhanre nure, me da vwẹ esia rọye kake ikara, Me vwe eranvwe tọn me je riọ nure, kẹ ephraphrẹ ri chekọ na me rhoma vwo gbe ẹgua? Ki mi shiguẹ kẹ ubro rẹ urhe?

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Jerimaya 14:10

E nẹ Ọrovwohwo ta kpahe ihwo nana: Ayen guọnọ suosuo ọtiọna, ayen sa da awọ rayen ji-i, ọtiọye na Ọrovwohwo gbe reyọ aye-en asakiephana kọ karohọ imwemwu rayen kọ vwẹ oja re ayen fikirẹ imwemwu rayen.

Jerimaya 16:17

Kidie ibiẹro mẹ mrẹ idjerhe rayen ejobi, e djahe kẹ vwẹ-ẹ, umwemwu rayen je djahe kẹ ibiẹro mẹ-ẹ.

Jerimaya 17:1

Umwemwu ri Juda ubiurhe rẹ utehru e vwo sio, unegbe ri diamọnd a vwo tuọn phihọ imẹjẹ rẹ udu rayen, kugbe ighoro rọ hẹ enu rẹ ẹshẹ rayen.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Jerimaya 4:18

Idjerhe wẹn kugbe uruemu wẹn re ghwa ọnana bru we rhe na. Ọnana ughwu wẹn, kọ yara, o te ubiudu wẹn nure.

Jerimaya 44:21

Vwọ kẹ insẹns re wa torhẹre vwẹ irere ri Juda vẹ irhuvwu ri Jerusalẹm ye, te owẹ vẹ esẹ rẹ ovwan te ivie rẹ ovwan vẹ isun rẹ ovwan, vẹ ihwo rẹ otọ na ejobi, Ọrovwohwo rha karo phihọ aye-en ọ rha djẹ ro udu rọye-e?

Izikiẹl 21:29

rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re.

Hosia 12:2

Ọrovwohwo vwẹ urhi mu Juda, ko hwe Jekọp kirobo rẹ idjerhe rọye epha, vwọ reihri kirobo rẹ uruemu rọye teri.

Hosia 4:9

Kirobo rẹ ihwo na epha, ọtiọye irherẹn na je epha; Me vwẹ oja re ayen fiki rẹ idjerhe rayen, ke me re ihri rẹ umwemwu rayen vwẹ obọ rayen.

Hosia 6:2

Ẹdẹ ivẹ da wan nu kọ rhọvwọ avwanre: ẹdẹ rerha kọ kpare avwame vrẹn, rere ma vwọ sa dia obaro rọye.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 9:15

Umwemwu kumwemwu rẹ ayen vwẹ oma phia vwi Gilgal; etiyin oma rẹ ayen wan tu vwe cha na. Fiki rẹ obrabra rẹ uruemu rayen ke me djẹ ayen nẹ uwevwi mẹ. Me gbe guọnọ ayen ọfa-a; isun rayen na ihwo rẹ okpetu.

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.

Emọs 8:7

Ọrovwohwo na vwẹ omephuo ri Jekọp vwo duvwu iyori nure; uyota uruemu rayen sa cha chọrọ ovwẹ ẹro-o.

Jona 1:2

Vrẹn, yanran kpo Ninivẹ, orere rode yena, rere wo ghwoghwo kẹ, kidie iyẹrẹ rẹ uvumwemwu rayen tevwe obọ re.

Ukeri 32:23

Ẹkẹvuọvo we rhe ru ọtiọye-e, nighere, yu we ru umwemwu kpahe Ọrovwohwo; jo mu we ẹro nẹ umwemwu wẹn ọvo che tu we phia.

Iyẹnrẹ Esiri ri Luk 12:2

O vwo emu ọvuọvo re rhurhuru ro jẹ phia-a, eyẹ re sinu re jẹ riẹ-ẹn.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

Urhi Rivẹ 32:29

Ọ dianẹ ayen ghwanre nọ, manẹ ayen riẹn Ọnana, yẹ ayen vughe oba rẹ akpọ rayen.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.