Hosia 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọtiobo rẹ ayen yanran na, yi mi phi ariri mẹ rhurhu ayen; mi che si ayen rhiotọ kerẹ emephran rẹ irharheghe; me cha fa ayen fiki rẹ uruemu ọbrabra rayen.

Hosia 7:12 ပူးပေါင်းရင်းမြစ်များ

ỌBE RẸ JOB 19:6

Wa riẹn nẹ Ọghẹnẹ ri phi vwe phihọ oruchọ na, ro de phi ariri rọye yariẹ ovwẹ phihọ.

Aghwoghwo 9:12

Kidie ohwo riẹn ọke rọye-e. Ọ họhọ iyeri rẹ ariri muru, kerẹ emephran rẹ ufi muru, ọtiọye ẹdẹ umwemwu na je epha kerẹ ufi kẹ emọ rẹ ihwo, ro di fru ayen kpregede.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 17:20

Ki mi phi obriki mẹ rhurho, ufi mẹ ko muo, ke me reyọ rhe Babilọn rhi vwo guẹdjọ fikiridie ọ shẹ vwẹ.

Izikiẹl 32:3

E nẹ Ọrovwohwo Ọghẹnẹ tare: mi phi obriki mẹ rhurhu uwe kugbe otu rẹ ihwo efa buebu; ke me vwẹ ughugba mẹ kpono uwe rhe otọ.

Hosia 5:9

Ifrem ko che hirhe phihọ erhurhu vwẹ ẹdẹ rẹ ojaẹriọ, vwẹ ohri rẹ uvwiẹ rẹ Izrẹl mi de ghwoghwo obo ri muẹro

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.