Hosia 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọke mie vwo sivwi Izrẹl, emu ogbegbo rẹ Ifrem da rhe vwẹ oma phia, kugbe umwemwu ri Samaria, kidie ayen phiẹn ihwo, oji bẹrẹ ẹchẹ ro uwevwi, igbunegbu na re gborho vwẹ obo otafe.

Hosia 7:1 ပူးပေါင်းရင်းမြစ်များ

Aizaya 28:1

Ekan kẹ erhu rẹ uvie rẹ eheri rẹ ọgbaudi rẹ Ifrem, kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi rẹ ihwo rẹ udi muẹ.

Aizaya 59:12

Kidie ogbeku rẹ avwanre rhi bu phihọ vwẹ obaro wẹ, umwemwu rẹ avwanre se iseri hwe avwanre, kidie ogbeku rẹ avwanrc vẹ avwanre herọ, avwanre riẹn orukuruku rẹ avwanre:

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Aizaya 59:14

Ọsoso rhoma kpuko, ọvwata de tephe shesheri; kidie uyota she phihọ ọsuere, uyota gbe sa ruọ-ọ.

Jerimaya 51:9

Mane mie sivwi Babilọn, ẹkẹvuọvo esivwiro-o. Siọn, rere wo jẹn avwanre dohwo dorere rọye yanran; kidie orhiẹn rọye te odjuvwu re a kpaerọ kpo irharheghe nure.

Izikiẹl 16:46

Oniọvo wẹn rẹ ọmọtẹ ki Sameria, rọ vẹ emetẹ rọye dia ọbohwẹre-ọnre wẹn na, oniọvo wẹn rẹ ọmọtẹ rẹ otete rọ dia obọrhe ọnre wẹn, ọye Sodọm vẹ emetẹ rọye.

Izikiẹl 23:4

Oholah ọye odẹ rẹ ọ rẹ ọkpako Oholibah kọyẹ odẹ rẹ oniọvo rọye rẹ otete. Ayen ivẹ na da rhe dia emẹ, ayen de vwiẹ emeshare kugbe emetẹ kẹ vwẹ. Vwọ kẹ odẹ rayen na, Oholah ọye Sameria, Oholibah ke rha Jerusalẹm.

Izikiẹl 24:13

Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu.

Hosia 10:5

Ihwo ri Samiera re muẹ phariẹ fiki rẹ ọmọ rẹ erhuẹn ri Bẹtaven. Ihwo rọye ki che muomahọ kẹ, irherẹn rẹ edjọ rayen ki che muomahọ kẹ, fiki rẹ urinrin rọye ro muro oma.

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 12:2

Ọrovwohwo vwẹ urhi mu Juda, ko hwe Jekọp kirobo rẹ idjerhe rọye epha, vwọ reihri kirobo rẹ uruemu rọye teri.

Hosia 4:17

Ifrem vwẹ oma ba edjọ, wa yan jo vwo.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Hosia 6:4

Die me vwo wẹ ru, E Ifrem? Die me vwo wẹ ru, E Juda? Ẹguọnọ wẹn ọ họhọ evwru rẹ irhiọke, kerẹ ọphogho rọ fobọ ya.

Hosia 7:13

Ekan kẹ ayen, kidie ayen ghwru nẹ obọ mẹ! Ẹghwọrọ kẹ ayen kidie ayen mu kpahe ovwẹ! manẹ me tan ayen hirhe, ẹkẹvuọvo ayen mu efian bare ovwẹ.

Hosia 8:5

Me vwẹ upene rẹ erhuẹn wẹn jehwẹ, E Sameria. Ophu mẹ ra tua kpahe ayen. Mavọ okrite rẹ ayen ke fon

Hosia 8:9

Kidie ayen yanran kpo Asiria, kerẹ ekẹtẹkẹtẹ rẹ ivuẹghwa ro di muẹ yan; Ifrem re durhie igbeyan.

Emọs 3:10

Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen.

Emọs 3:9

Ghwoghwo kẹ ogba ọgangan vwẹ Asiria; ji kugbe ogba ọgangan vwẹ otọ re Ijipt, re wọ ta, ovwan ghwẹ oma rẹ koko vwẹ enu rẹ igbenu ri Sameria, re wa mrẹ edo rode rọ hẹ evun rọye, vẹ oshenyẹ rọ hẹ uherevie rọye.

Emọs 8:14

Ihwo re vwẹ Ashima ri Sameria duvwu iyori, tanẹ, Kirobo rẹ ẹdjọ wẹn herọ na, E Dan, ji kugbe obo rẹ idjerhe ri Bẹẹrsheba herọ na, ayen che she, ayen gbi vrẹn ọfa-a.

Maika 6:16

Kidie wọ je sẹro rẹ irhi rẹ Omri, kugbe iruo rẹ uwevwi rẹ Ehab; wọ da yan nene iroro rayen; rere mi vwo ru we dia ofefe, ihwo re dia evun wẹn ke fiọn unu yan; ọtiọye na ku wọ ghwa oghwa rẹ ehwẹjẹ rẹ ihwo na.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Iyẹnrẹ Esiri ri Luk 13:34

E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn.

Iyẹnrẹ Esiri ri Luk 19:42

tanẹ, Mane ku wọ sa riẹn imu re kẹ ufuoma vwenẹ! Ẹkẹvuọvo Asakiephana e si ayen nu kẹ ẹro wẹn.