Hosia 6:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Hosia 6:3 ပူးပေါင်းရင်းမြစ်များ

2 Samuẹl 23:4

Kọ bẹrẹ mu ayen kerẹ uvo rẹ irhiọke, Kerẹ ọnre ro lo muẹ enu ro pheri vwẹ irhiọke kerẹ osio rọ nẹrhẹ odi djẹ nẹ otọ cha.

ỌBE RẸ JOB 29:23

Ayen ke hẹrhẹ ovwẹ kerẹsiẹ ra hẹrhẹ osio; ayen de rhie unu rayen phihọ hẹrhẹ osio rẹ ọkeuvo.

Une rẹ Ejiro 19:4

dede na ye urhuru rayen yan ro akpọ na ejobi duvwu, eta rayen re te oba rẹ akpọ na. Vwẹ evun re ayen ọ bọn ọgarivi phihọ kẹ ọnre,

Une rẹ Ejiro 19:6

Ẹvacha rọye ẹtan rẹ odjuvwu o nẹ cha, unuoyan rọye ri te oba rẹ odjuvwu; o vwo emuọvo rọ djahe kẹ ototorhọ rọye-e.

Une rẹ Ejiro 63:8

Ẹnwẹ mẹ tamu uwe gbae, obọrhe wẹn yọnrọn ovwẹ.

Une rẹ Ejiro 65:9

Wẹ ri nẹ akpọ na wọ me vwẹ ame ruọrhuọ, wẹ re nẹrhẹ oyovwi emu gangan; urhie rẹ Ọghẹnẹ vọnre vẹ ame; wọwẹ re ghwẹ eka rayen phihọ, kidie ọtiọye wọ rhuẹrẹ phihọ.

Une rẹ Ejiro 72:6

E jọ dia kerẹ osio rọ rhọ phihọ odi ra gbẹnre, kerẹ eghwẹghwẹ re osio rọ kpọrhọ otọ na!

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 32:15

bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Hosia 14:5

Me dia kerẹ irho kẹ Izrẹl; Ọ ghwẹ phihọ kerẹ idodo ọ tan awọ kerẹ afọn,

Hosia 14:6

Abọ rọye cha hra phihọ; erhuvwu rọye kọ cha họhọ erhuvwu rẹ oliv. Ọnrhe ororo rọye kerẹ Lebanọn.

Hosia 2:20

Me sa wẹ otọ vwẹ ọ rẹ uyota; ku wọ riẹn Ọrovwohwo na.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Maika 5:7

Etiyin umuku ri Jekọp ro chekọ ke cha dia ohri rẹ ihwo buebu kerẹ evwru ro tue nẹ obọ rẹ Ọrovwohwo cha, kerẹ omoghwẹghwẹ osio vwẹ enu rẹ odi, ro mudia hẹrhẹ ihwo-o, eyẹ ọ hẹrhẹ emọ rẹ ihwo-o.

Zekaraya 10:1

Nọ ekpẹn rẹ osio mie Ọrovwohwo vwẹ ọke-evwru, mie Ọrovwohwo rọ ru ogiribo vẹ egho rọ vwẹ eghwẹghwẹ re osio kẹ ihwo, rọ nẹrhẹ ẹbe djẹ vwẹ udju ri kohwo kohwo,

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Iyẹnrẹ Esiri ri Luk 1:78

fiki rẹ arodọvwẹ rẹ Ọghẹnẹ rẹ avwanre, ọye Isio rẹ Urhiọke vwo nẹ enu bru avwanre rhe

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 7:17

ọ da dianẹ ohwo vwo ọhọre ro vwo ru ọhọre rọye gba, ko cha riẹn sẹ uyono na obọ rẹ Ọghẹnẹ o nurhe eyẹ se ogangan robọ mẹ me vwọ ta ota na.

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.