Hosia 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ifrem ko che hirhe phihọ erhurhu vwẹ ẹdẹ rẹ ojaẹriọ, vwẹ ohri rẹ uvwiẹ rẹ Izrẹl mi de ghwoghwo obo ri muẹro

Hosia 5:9 ပူးပေါင်းရင်းမြစ်များ

ỌBE RẸ JOB 12:14

O de kporo te otọ nu, ohwo ọvuọvo sa bọ-ọn, ọ de huhu eche gbe ohwo nu, ohwo ọvuọvo se rhie-e.

Aizaya 37:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ivuemiovwo rode, ọ rẹ ekan, kugbe ophọphọvwe; unwe rẹ ọmọ o phire, ẹkẹvuọvo ogangan ra vwọ chuẹ uvwiẹ herọ-ọ.

Aizaya 46:10

rọ dje oba na nẹ etuọhọ rọye rhe nẹ awanre rhe imu ri ji ru-u tanẹ, Iroro Mẹ ri che mudia, Mi che ru iroro Mẹ ejobi gba,

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 48:5

Mi dje ayen kẹ wẹ nẹ awanre rhe, tavwe re ke phia yi Mi ghwoghwo ayen keẹ wẹ nure, eyẹ wo da rha tanẹ, Oma mẹ ri ru ayen, oma re bru ona phihọ kugbe oma ra wranre ri ji urhi na kẹ ayen.

Aizaya 7:16

Kidie bẹsiẹ rẹ ọmọ na vwo riẹn obo ra sian ọbrabra ra jẹn ọresiri, otọ rẹ ivie ivẹ na ri mu ovwan oshọ na, ke cha dia ofefe.

Hosia 5:12

Fiki rẹ ọtiọye na ke me họhọ eghwọghwọ kẹ Ifrem, kerẹ ophu kẹ uwevwi ri Juda.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Hosia 7:12

Ọtiobo rẹ ayen yanran na, yi mi phi ariri mẹ rhurhu ayen; mi che si ayen rhiotọ kerẹ emephran rẹ irharheghe; me cha fa ayen fiki rẹ uruemu ọbrabra rayen.

Hosia 8:8

A rọ Izrẹl nure, uherevie rẹ ẹgborho efa kọye ayen epha fafarhiẹ kirẹ ekuakua ra kpare kufia.

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Emọs 7:17

Fiki rẹ ọtiọye na e nẹ Ọrovwohwo tare, Aye wẹn che hirhe phihọ igberadja vwẹ evun rẹ orere na, te emeshare wẹn vẹ emetẹ ka vwẹ ọlọkọ nyavwe ayen hwe. Ka vwẹ ufi ma otọ wẹn ghare, ekpuyovwi wẹn ko ghwu phihọ otọ rọ fonro-o, Izrẹl che kpo imu vwẹ isiorho.

Emọs 7:9

a cha kua asan ro kpenu rẹ Aizik fiotọ riẹriẹ, ẹshẹ re Izrẹl ejobi ke cha dia ofefe, ki mi che mu kpahe uwevwi ri Jeroboam vẹ ọlọkọ

Maika 6:13

Fiki rẹ ọtiọye na mi mu ovwan phihọ ẹteyọ re, ka kua ovwan fiotọ fiki rẹ umwemwu rẹ ovwan.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Iyẹnrẹ Esiri ri Jọn 16:4

Ẹkẹvuọvo me ta enana kẹ ovwan nure, rere ọke rayen de rhi te re, ovwan vwọ karohọ nẹ me ta ayen kẹ ovwan jovwo. Me ta enana kẹ ovwan notọrhe jovwo-o, fikiridie me vẹ ovwan je herọ.