Hosia 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ayen vẹ igodẹ kugbe irhuẹ rayen gba yanran ra guọnọ Ọrovwohwo, ẹkẹvuọvo ayen cha mrẹ-ẹ. O sioma nu kẹ ayen.

Hosia 5:6 ပူးပေါင်းရင်းမြစ်များ

Ẹyano 10:9

Mosis da ta, Avwanre vẹ imitete te ekpako rẹ avwanre gba ra; avwanre vẹ emeshare vẹ igodẹ rẹ avwanre vẹ ichuru rẹ avwanre ejobi gba ra, kidie avwanre cha re orẹ kẹ Ọrovwohwo.

Isẹ 1:28

Ọke yena kẹ ayen che kperẹ se vwe, ẹkẹvuọvo mi che nyo-o; kẹ ayen cha guọuọ ovwẹ ẹkẹvuọvo yẹ ayen cha mrẹ vwẹ-ẹ.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Solomon 5:6

Mi de rhie ẹchẹ kẹ ọ ro je vwe na, ẹkẹvuọvo ọ ro je vwe na chuko ku ọ da yanran. Udu de nu uvwe awọ rọ vwọ ta ota na, Me guọnerọ, ẹkẹvuọvo me rha mrẹ-ẹ, Mi sere, ẹkẹvuọvo ọ kpahe ota-a.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 11:14

Vwẹ ọtiọye na wọ rẹ kẹ ihwo nana-a, wọ kpare urhuru rẹ oviẹ eyẹ ẹrhovwo fiki rẹ aye-en, kidie ọke rẹ ayen de se vwe vwẹ ọke rẹ ukpokpogho rayen mi gbi nyo-o.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Uvwerhe 3:44

Wọ vwe egho phopho oma wẹn rere ẹrhovwo ọvuọvo vwo je sa wan vrẹn.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Izikiẹl 8:6

Ọ da ta kẹ vwẹ, Ọmọ rẹ ohwo, wọ mrẹ obo rẹ ayen ruẹ na? Ẹgua rode rẹ uwevwi rẹ Izrẹl gbe vwe etinẹ, rẹ ayen vwọ djẹ vwẹ sheri nẹ ẹshẹ na? Ẹkẹvuọvo wọ cha mrẹ ẹgua rọ cha rho nọ ọtiọna.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Emọs 8:12

Ayen che ghoro nẹ abadi re te abadi, nẹ obọhwẹre ọnre kpọ obaro ọnrc, ayen ke djẹ rhe djẹ kpo, rhe guọnọ ota rẹ Ọrovwohwo na, ẹkẹvuọvo jẹ ayen cha mrẹ-ẹ.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Iyẹnrẹ Esiri ri Luk 5:16

Ẹkẹvuọvo o de sioma reyọ kpo evun rẹ aghwa ra nẹ ẹrhovwo.

Iyẹnrẹ Esiri ri Jọn 7:34

ovwan cha guọnọ ovwẹ yẹ ovwan cha mrẹ vwẹ-ẹ; asan re me epha ovwan che se te-e.