Hosia 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Eheri rẹ Izrẹl se iseri hwe; Ifrem kọ cha yẹnghrẹn vwẹ abe rọyẹ, Juda vẹ ayen gba cha yẹnghrẹn kugbe.

Hosia 5:5 ပူးပေါင်းရင်းမြစ်များ

Isẹ 11:21

Jo mu we ẹro, nẹ ohwo umwemwu che jẹ ehwe ẹmrẹ-ẹ, ẹkẹvuọvo ihwo rẹ evun rayen fonro e che sivwẹ ayen.

Isẹ 11:5

Uruemu esiri rẹ ọvwata gbẹn idjerhe rọye phiọnphiọn, ẹkẹvuọvo umwemwu eruo rẹ oruimwemwu na ọye ghwa eshe rọye cha.

Isẹ 14:32

E gere ohwo umwemwu she fiki rẹ umiovwo rọye, ẹkẹvuọvo ọvwata mrẹ odjahọ fiki rẹ iruo esiri rọye.

Isẹ 24:16

kidie ọvwata she asiẹ ighwre ọ me rhoma vrẹn; ẹkẹvuọvo ukpokpogho ri gere oruimwemwu she.

Isẹ 30:13

Efa herọ mavọ ẹro rayen kpenu te, ẹro rayen nẹ ohwo sua-a

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 3:9

Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 59:12

Kidie ogbeku rẹ avwanre rhi bu phihọ vwẹ obaro wẹ, umwemwu rẹ avwanre se iseri hwe avwanre, kidie ogbeku rẹ avwanrc vẹ avwanre herọ, avwanre riẹn orukuruku rẹ avwanre:

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Hosia 14:1

Rhivwi, E Izrẹl, bru Ọrovwohwo Ọghẹnẹ wẹn kidie wọ kprowọ fiki rẹ orukuruku wẹn.

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.

Hosia 4:5

Wọ cha kpro owọ vwẹ oghẹruvo, ọmraro vẹ owẹ cha yẹnghrẹn vwẹ ason, ke me guọghọ oni wẹn.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Hosia 7:10

Eheri rẹ Izrẹl ọvo se iseri hwe; yẹ ayen ji rhivwi bru Ọrovwohwo Ọghẹnẹ rayen, ayen je guọnọ fiki rẹ enana ejobi-i.

Hosia 8:14

Kidie Izrẹl gbe karohọ Ọrọmarọ-ọ, ighẹn keye ayen bọn; Juda da bọn irere ra gba riariẹ pete pete; ẹkẹvuọvo mi che phi erhanre phihọ irere rọye, kọ torhẹ ogba ọgangan rọye.

Emọs 5:2

O sheri, o rhe vwo evrẹn ọfa-a, we ọmọtobẹ rẹ Izrẹl, a serọ vwẹ otọ obọ rọye, o gbi vwo ohwo rọ kparọ vrẹ-ẹn

Matiu 23:31

Fiki rẹ ọtiọye na, ovwan ọvo kọye ri se iseri hwe oma rẹ ovwan nẹ, esẹ rẹ avwanre ri hwe emraro na.

Iyẹnrẹ Esiri ri Luk 19:22

Ọ da ta kẹ, obo ri nẹ unu wẹn rhe ọye mi vwo brorhiẹ hwe we wẹ odibo umwemwu na! Wọ riẹnre nẹ mẹvwẹ ohwo ro siaro, rọ tọrọ obo mi phihọ otọ-ọ, ro vuẹ obo Me kọnre-e?