Hosia 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Hosia 5:1 ပူးပေါင်းရင်းမြစ်များ

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 13:18

Ta kẹ ovie vẹ oni rọye; Reyọ agbara ro kpotọ, kidie erhu rẹ uvie oyoyivwi wẹn na nẹ uyovwi wẹn nure.

Jerimaya 46:18

Kirobo me herọ na, eriyin Ovie na tare, Ọ rẹ ọde rọye hẹ Ọrovwohwo rẹ otuofovwi na, kerẹ Tabọ vwẹ ohri rẹ igbenu na, je kerẹ Kamẹl vwẹ oma rẹ abadi na, ọvo cha rhe.

Hosia 10:15

Ọtiọye e che ru kẹ wẹ, E uwevwi rẹ Izrẹl, fiki rẹ umwemwu rọde wọ ruru. Vwẹ evun rẹ ogiribo ke hwe ovie rẹ Izrẹl.

Hosia 13:8

Mi che pho mu ayen kerẹ edjanakpo re mie emọ, ke me chẹghẹ udu rayen rhie phihọ, kẹ etiyin me da re ayen nu kerẹ okpohrokpo, kirobo rẹ eranvwe rọ djọma chẹghẹ ayen.

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Hosia 6:9

Kirobo rẹ iji hwa phihọ idjerhe hẹrhẹ ohwo ye, otiọye irherẹn na ji se oma koko, ayen da dia izighẹ vwẹ idjerhe ro kpo Shikẹm, uyota, ayen ru obo re brare.

Hosia 9:8

Ọmraro na ọye ọrhẹrotọ rẹ Ifreni, ihwo rẹ Ọghẹnẹ mẹ, yẹ a kpahe ufi hẹrhẹ vwẹ idjerhe rọye ejobi, omaetuo vwẹ uwevwi rẹ Ọghẹnẹ rọye.

Joẹl 1:2

Nyo ọnana, ovwan emare, kerhọn, ovwan ihwo re dia otọ na ejobi! emu ọtiọnana ruru vwẹ ọke rẹ ovwan dẹvure, eyẹ ọke rẹ esẹ rẹ ovwan?

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Emọs 7:9

a cha kua asan ro kpenu rẹ Aizik fiotọ riẹriẹ, ẹshẹ re Izrẹl ejobi ke cha dia ofefe, ki mi che mu kpahe uwevwi ri Jeroboam vẹ ọlọkọ

Maika 3:1

Me da ta: Nyo, igbuyovwi ri Jekọp kugbe isun rẹ uwevwi rẹ Izrẹl O ji te ọke rẹ ovwan vwọ riẹn ọsoso-o?

Maika 3:9

Nyo ọnana, ovwan igbuyovwi rẹ uwevwi ri Jekọp kugbe isun rẹ uwevwi rẹ Izrẹl, rẹ ọsoso tuoma na ri kuẹ uyota ejobi rhẹriẹ,

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 2:1

Asakiephana, E irherẹn na, ovwan e ji urhi nana kẹ.

Iguẹdjọ 4:12

Ọke ra vwọ ta kẹ Sisira nẹ Barak ọmọ ri Abinoam yanran kpo Ugbenu rode ri Tabor,

Iguẹdjọ 4:6

O de ji ikọn re se Barak ọmọ rẹ Abinoam nẹ Kedẹsh ri Naftali rhe, ọ da ta kẹ nẹ, Ọ dianẹ Ọrovwohwo na, Ọghẹnẹ rẹ Izrẹl na, ji urhi kẹ wẹ nẹ, Yanran, koko ihwo wẹn rẹ ugbenu rode ri Tabọr, rere wọ reyọ eshare uriori ihwe nẹ uvwiẹ ri Naftali rhe kugbe emọ ri Zẹbulọn.

1 Samuẹl 7:16

Kọ yan riariẹ kukpe kukpe nẹ Bẹtẹl, kpo Gilgal, nẹ Gilgal kpo Mizpah; asan nana kọye o de gu ẹdjọ rẹ Izrẹl.

1 Samuẹl 7:5

Etiyin Samuẹl da ta, Se Izrẹl ejobi koko vwi Mizpah, re me nẹ ẹrhovwo kẹ Ọrovwohwo vwọ kẹ ovwan.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.