Hosia 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 4:6 ပူးပေါင်းရင်းမြစ်များ

2 Ikun rẹ Ivie 15:3

Kidie vwẹ ọke krekri Izrẹl vwo Ọghẹnẹ rẹ uyota-a, ayen ji vwo omamọ rẹ orherẹn ro yono aye-en, ayen ji vwo urhi-i.

ỌBE RẸ JOB 36:12

Ẹkẹvuọvo ayen rha kerhọ-ọn, oda kọ ghwọrọ ayen, ayen ki ghwu vwi jẹriẹn.

Une rẹ Ejiro 119:139

Oruru mẹ torhẹ ovwẹ, kidie eta wẹn chọrọ ivwighrẹ mẹ ẹro.

Une rẹ Ejiro 119:153

Ni ọdjarhe mẹ rere wo sivwi uvwe, kidie urhi wẹn chọrọ ovwẹ ẹro-o

Une rẹ Ejiro 119:61

Owenẹ ufi re ohwo umwemwu gba vwẹ dede, urhi wẹn sa chọrọ ovwẹ ẹro-o.

Une rẹ Ejiro 18:27

Kidie wo sivwi ihwo re vwẹ oma kpotọ; ẹkẹvuọvo ohwo vẹ ẹro umwemwu wo sio kpotọ.

Isẹ 10:21

Ẹbẹrunu rẹ ovwata nẹrhẹ evun vọn ihwo buebu, ẹkẹvuọvo jẹ iroro evwo re nẹrhẹ ughwu hwe ohwo oghenghẹn.

Isẹ 19:2

Ofori rẹ ohwo vwo jẹ erianriẹn evwo-o, ohwo ro bru okpakpa yan cho ada rọye ra.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 29:12

Ọke ra da rha reyọ ọbe na kẹ ohwo ro se se-e, tanẹ, Se ọbe nana, o da ta, Mi se se-e.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 5:13

Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Izikiẹl 44:23

Ayen ki yono ofẹnẹ rọ herọ kẹ obo re tete oma kẹ vẹ obo re vwo gbotọ, ke dje kẹ ayen ofẹnẹ rọ herọ ke obo re fonro kugbe obo ri gberi.

Hosia 13:6

Ẹkẹvuọvo rẹ evun vwọ vọn ayen nu, oma ko mu ayen, udu rayen da kpare kpenu. Ọye me da chọrọ ayen ẹro.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Hosia 4:14

Me cha vwẹ oja re emetẹ rẹ ovwan vwẹ ọke rẹ ayen de gbe igberadja, yẹrẹ epha rẹ ovwan vwẹ ọke rẹ ayen de gbe ọfarhie; fikiridie ekpuyovwi rẹ eshare na je ro akakọ bru igberadja na ayen vẹ iniedjọ rẹ igberadja gbe ze izobo rẹ ọfarhiẹ kugbe, ihwo ri vwo iroro-o ke cha guọghọ kufia.

Hosia 5:4

Uruemu rayen gbi jẹn ayen hirhe bru Ọghẹnẹ raye-en. Kidie erhi rẹ igberadja hẹ evun rayen, ayen gbe riẹn Ọrovwohwo-o.

Hosia 6:6

Kidie me guọnọ ehrọre ọ dia izobo-o, erianriẹn rẹ Ọghẹnẹ, nọ izobo rẹ ẹtorhẹ.

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.

Hosia 7:9

Erhorha guọghọ ogangan rọye phihọ otọ, jẹ ọ riẹnre-e, esha di mu djẹ vwẹ uyovwi rọye, jẹ ọ riẹnre-e.

Hosia 8:1

Phi owanre na phihọ unu wẹn, kidie udene ọ hẹ enu rẹ uwevwi rẹ Ọrovwohwo, kidie ayen miovwo ọphọ mẹ, ayen da chọ urhi mẹ.

Hosia 8:12

Ọ dianẹ mi si irhi mẹ vwọ kẹ abọ uriori ihwe dede, ke dia gedegede kẹ ayen.

Hosia 8:14

Kidie Izrẹl gbe karohọ Ọrọmarọ-ọ, ighẹn keye ayen bọn; Juda da bọn irere ra gba riariẹ pete pete; ẹkẹvuọvo mi che phi erhanre phihọ irere rọye, kọ torhẹ ogba ọgangan rọye.

Hosia 9:17

Ọghẹnẹ mẹ cha kpare ayen kufia, kidie ayen davwerhọn rọye-e; ayen ki che suosuo vwẹ ohri rẹ ẹgborho na.

Matiu 1:6

Jesse kọye ọsẹ rẹ Devid rẹ ovie. Devid kọye rha ọsẹ rẹ Solomọn rẹ aye rẹ Uraiya vwiẹ kẹ.

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

Matiu 15:8

Ihwo nana de vwẹ ọghọ rẹ unu diodi kẹ vwẹ, Yẹ udu rayen sheri kẹ vwẹ.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.