Hosia 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Wọ cha kpro owọ vwẹ oghẹruvo, ọmraro vẹ owẹ cha yẹnghrẹn vwẹ ason, ke me guọghọ oni wẹn.

Hosia 4:5 ပူးပေါင်းရင်းမြစ်များ

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Jerimaya 15:8

Mi ru eyauku rayen rhi bu phihọ, vrẹn ubu rẹ abadi. Mi rhi mu kpahe iniemọ rẹ ighene na ọghwọrọ vwẹ ọnre viri me vwẹ omaẹghwọrọ vẹ uguegue ri she teyọ ayen kpregede.

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 50:12

Oma cha vo oni wẹn tototo, ọ rọ vwiẹ wẹ na oma cha vuọ. Nighe, ọye cha ka uko vwẹ ẹgborho na ejobi, aton ọyaya ro shafon.

Izikiẹl 14:3

Ọmọ rẹ ohwo, ihwo nana mu ema rayen phihọ udu rayen, ayen de mu uchukurhe umwemwu rẹ orukuruku rayen vwọ rhe obaro rayen, me gbe vwẹ uphẹ kẹ ayen rere ayen vwọ nọ ekpẹ rẹ emu vwẹ obọ mẹ?

Hosia 2:2

Nene oni wẹn jẹ iroro, vuẹ kidie ọ gbe dia aye mẹ-ẹ, me gbe dia ọshare rọye-e nẹ o siobọ nẹ igberadja rọye, no si ọfarhiẹ nẹ udu rọye,

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 5:5

Eheri rẹ Izrẹl se iseri hwe; Ifrem kọ cha yẹnghrẹn vwẹ abe rọyẹ, Juda vẹ ayen gba cha yẹnghrẹn kugbe.

Zekaraya 11:8

Vwẹ emeranvwe ọvo Me da ghwọrọ isuigegede erha. Ẹkẹvuọvo mi gbi se chirako raye-en, ayen da vwẹ ovwẹ ru ọvweghrẹ.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Galesha 4:26

Ẹkẹvuọvo, Jerusalẹm rọ hẹ obenu na, ọmuvwiẹ kọye hẹ oni rẹ avwanre ejobi.