Hosia 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Hosia 4:12 ပူးပေါင်းရင်းမြစ်များ

Ivie rẹ Ivẹ 17:7

Ọnana o ruru, fikiridie ihwo rẹ Izrẹl ru umwemwu kpahe Ọrovwohwo Ọghẹnẹ rayen, rọ reyọ ayen nẹ otọ rẹ Ijipt rhe, nẹ abọ ri Fero, ovie rẹ Ijipt na kẹ ayen djẹ oshọ rẹ edjọ efa;

2 Ikun rẹ Ivie 21:13

ẹkẹvuọvo idjerhe rẹ ivie rẹ Izrẹl kọye wọ vwọ kpahe, wo de sun Juda kugbe ihwo re dia Jerusalẹm ghwru kirobo rẹ uwevwi rẹ Ehab sun Izrẹl ghwru, okpuyovwi wẹn ke rha nyavwe iniọvo wẹn hwe, emọ rẹ uwevwi rẹ ọsẹ wẹn, ri yovwi nọ ekpuyovwi wẹn;

Une rẹ Ejiro 106:39

Ọtiọna ayen rhe vwọ dia gbegbe vwẹ oma re uruemu rayen, ayen de gbe igberadja fiki rẹ obo rayen ruẹ.

Une rẹ Ejiro 73:27

Kidie gbe no, otu ri tephe kẹ wẹ ke cha ghwọrọ; wẹ ri se phi oba phihọ otu re vwe oma da wẹ ghevweghe.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Jerimaya 2:27

Re ta kẹ urhe, “Wọwẹ ọsẹ mẹ,” vwọ kẹ olalọ Wẹ ri vwiẹ vwẹ. Kidie ayen chuko ku vwe, ọ dia opharo raye-en. Ẹkẹvuọvo ọke rẹ ukpokpogho rayẹn ayen me ta, vrẹn wo sivwi avwanre.

Jerimaya 23:13

Vwẹ evun rẹ emraro ri Sameria na me da mrẹ emuọvo rẹ ọchọre, ayen vwẹ Baal mraro ayen de sun Izrẹl rẹ ihwo mẹ ghwru.

Izikiẹl 20:32

Obo ru wo roro vwẹ evun wẹn na cha sa phia-a iroro evun wẹ na, Jẹn avwanre dia kerẹ ẹgborho na, kerẹ orua rẹ irho na, re gọ urhe vẹ oragha.

Izikiẹl 21:21

Kidie ovie ri Babilọn mudia vwẹ aderha, vwẹ obo oba rẹ idjerhe ive na, ọ rọ bọ epha; o ro kpogho edada rọye, ọ ra vwẹ utẹ rọye nẹ, o ro nẹ irhue rẹ eravwe.

Hosia 14:3

Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Hosia 5:4

Uruemu rayen gbi jẹn ayen hirhe bru Ọghẹnẹ raye-en. Kidie erhi rẹ igberadja hẹ evun rayen, ayen gbe riẹn Ọrovwohwo-o.

Hosia 6:10

Vwẹ evun rẹ uwevwi rẹ Izrẹl me da mrẹ okpemu rode; ọfarhiẹ rẹ Ifrem hẹ etiyin, e gbe Izrẹl ẹgua.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Livitikọs 17:7

Vwẹ ọtiọye na ayen rhe che hwe eranvwe rayen kẹ ẹdjọ rẹ aghwa-a, e re ayen bẹbẹ gọ na. Ọnana urhi re vwo sun ayen bẹdẹ nẹ edje ra ro edje.

Livitikọs 20:5

ki mi hirhe aro mẹ ku ohwo yena vẹ uvwiẹ rọye, ki mi bru ayen ejobi kufia nẹ ohri rẹ ihwo rayen, te ọye vẹ ihwo ri nenire ru uruemu rẹ egagọ ri Molẹk na ejobi.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Habakọk 2:19

Ekan kẹ ohwo ro ta kẹ urhe rọ kare, nẹ Rhọvwọ rọ ta kẹ oragha ro diunu nẹ, Vrẹn! ọnana se dje otọ rẹ emu phia? Nighe, a nabọ vwẹ oro vẹ idọnọ efuanfon vwọ pharọ o vwo ẹnwẹn vwẹ oma rọye kaka-a.

Ukeri 15:39

ejọjọ na kọye wọ cha vwọ karophihọ irhi rẹ Ọrovwohwo na ejobi, rere we ru ayen, wo rhe nene udu rẹ obọ wẹ-ẹn kugbe ẹro rẹ obọ wẹ-ẹn, rẹ urhuru ghevweghe che si we re nene.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Iguẹdjọ 18:5

Ayen da ta kẹ nẹ, Avwanre rẹ wẹ, rere wọ ra guọnọ otọ re ọyan rẹ avwanre na vwẹ obọ rẹ Ọghẹnẹ, rere wo ji avwanre riẹn sẹ oyan na shephihọ. Etiyin orherẹn na da ta kẹ ayen nẹ,