Hosia 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Hosia 3:4 ပူးပေါင်းရင်းမြစ်များ

Jẹnẹsis 31:19

Laban yanran kpo ẹghwa ra bọrọ ẹto rẹ igegede, Rachel de cho oma rọ umukpe rẹ ọsẹ rọye.

Jẹnẹsis 31:34

Yi Rachel ghine, reyọ oma rọ umukpe rẹ ọsẹ rọye o de sionu vwẹ ekoso rẹ iyesi rọye o de tidia botọ Laban da vwẹ obọ gbe ekuakua rẹ uwevwi na ejobi, jọ mrẹrẹ-ẹ.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

2 Samuẹl 6:14

Devid de gbe eha vwẹ obaro rẹ Ọrovwohwo vẹ egba rọye ejobi; Devid de ku ibuluku rẹ esada phihọ.

Ivie rẹ Ivẹ 23:24

Ọ rọ marho Josaya da djẹ ihwo re vwẹ ẹbo mraro vẹ eriendan rẹ eshare vẹ utẹ vẹ ema vẹ igbiru ejobi ra mrẹre vwẹ otọ ri Juda kugbe Jerusalẹm rere ọ mrẹ asan vwẹ eta rẹ urhi na vẹ i re si phihọ evun rẹ ọbe ri Hilkaya orherẹn na mrẹre vwẹ evun rẹ uwevwi rẹ Ọrovwohwo na.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Ẹyano 28:4

Enana keye iwun rẹ ayen che ko, adja, ibuluku, adagba, ikoto ro kerẹ ipe, erhu, kugbe umuehu; ke ko iwun efuanfon vwọ kẹ Erọn rẹ oniọvo wẹn vẹ emọ rọye rere ayen ga vwẹ kerẹ irherẹn.

Ẹyano 28:6

Ayen me reyọ ibuluku rẹ oro, ọgiọgiọ vẹ orhurhu, vẹ ododo, kugbe esada ra nabọ me re bru ona phihọ.

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Izikiẹl 19:14

Erhanre da la nẹ ugboma rọye rhe, ọ da ra torhẹ eghọn rọye vẹ emamọ rọye, omamọ rẹ ugboma rọ ganre gbi rhe-e, o rhe vwo ọkpọ rẹ ovie-e. Ọnana hẹ uvwerhe, ọ da rhe dia uvwerhe.

Izikiẹl 20:32

Obo ru wo roro vwẹ evun wẹn na cha sa phia-a iroro evun wẹ na, Jẹn avwanre dia kerẹ ẹgborho na, kerẹ orua rẹ irho na, re gọ urhe vẹ oragha.

Izikiẹl 21:21

Kidie ovie ri Babilọn mudia vwẹ aderha, vwẹ obo oba rẹ idjerhe ive na, ọ rọ bọ epha; o ro kpogho edada rọye, ọ ra vwẹ utẹ rọye nẹ, o ro nẹ irhue rẹ eravwe.

Izikiẹl 21:31

Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ.

Daniẹl 11:31

Ihwo rẹ ofovwi rọye ke cha vwẹ oma phia ki che gbe uwevwi rẹ Ọghẹnẹ na ẹgua vẹ ọgba na, kọ reyọ izobo rẹ ẹtorhẹ re kọke kọke na no. Kẹ ayen cha vwẹ imu rẹ ẹgua re guọghọ asan na vwo muẹ.

Daniẹl 12:11

Nẹ ọke ra cha vwọ reyọ izobo rẹ ẹtorhẹ rẹ kọke kọke na yanran, rẹ ẹguegbe rọ nẹrhẹ asan kua fiọtọ re che vwo muo viẹ, ko dia ẹdẹ uriori gbe ujori ivẹ gbe ujọne gbẹ ihwe.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Hosia 13:10

Tivọ ovie wẹn epha, ro sivwi uwe; isun wẹn rhọ, re chọ ochọ wẹ ihwo re wọ ta nẹ; Kẹ vwẹ ovie kugbe isun?

Hosia 13:11

Me kẹ wẹ ovie vwẹ ophu mẹ, vwẹ ivuemiovwo mẹ mi de si ayen nu.

Hosia 2:11

Ki mi phi oba phihọ omavwerhovwẹ rọye, te erẹ rọye, tẹ ọtuphro rẹ emeranvwe rọye, ẹdidjala rọye, kugbe ẹdẹ rẹ orẹ re bruru.

Livitikọs 8:7

O de ku ewun rẹ agbada phihọ oma, ọ da vwẹ umuehu vwo muo, kẹsiẹye o ki ku adagba phihọ oma, o de ku ibuluku phihọ, ọ da vwẹ umuehu rẹ ibuluku na ra nabọ rhuo yoyovwi vwo muo, ọ da nabọ churo muo.

Zekaraya 10:2

Kidie ama ta ogbeta, emraro je mrẹ efian rhe, evwerhẹewerhẹ ta evwerhẹ re efian ọ me kẹ uchebro ofefe. Ọtiọye na ihwo na da hra kerẹ igegede; a wan ayen oma kidie ayen vwo osuigegede-e.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Iyẹnrẹ Esiri ri Jọn 19:15

Ayen de kuvwie, A vwọ yanran, a vwọ yanran, kanrọ mu agbagba! Pailet da ta kẹ ayen, Ke me kanre Ovie rẹ ovwan mu agbagba? Ilori rẹ irherẹn na da kpahe, Avwanre vwo ovie-e jokpa rẹ Siza.

Hibru 10:26

Kidie avwanre da vwẹ ẹro koko ru umwemwu rẹ avwanre vwo vwo erianriẹn rẹ uyota na nu, o rhe vwo iye ọfa ra cha gọ fiki rẹ umwemwu-u,

Iguẹdjọ 17:5

Ọshare na re se Mika na de vwo ẹshẹ, o de ko ibuluku kugbe terafim, ọ da sanọ ọvo vwẹ usun rẹ emọ rọye rẹ eshare na vwo mu, vwo ru orherẹn rode rọye

Iguẹdjọ 18:14

Etiyin eshare iyori re ke ji re dorhẹn rẹ otọ rẹ orere ri Laish, da ta kẹ imoni rayen nẹ, ovwan riẹnre nẹ ibuluku ọvo kugbe terafim, kugbe oma, kugbe oma re duvwuru herọ vwẹ uwevwi rọ oboyi na? Asakiephana gba jẹ iroro rẹ obe rẹ ovwan che ru

Iguẹdjọ 8:27

Gidiọn da vwo ko ibuluku o de phihọ otorho rọye, vwi Ọfra; Izrẹl ejobi ki vwo gbe ẹgua vwe oboyi, o de rhi hirhe phihọ ufi kẹ Gidiọn vẹ uwevwi rọye.

1 Samuẹl 14:3

Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 2:18

Samuẹl re gbe odibo vwẹ obaro rẹ Ọrovwohwo, omotete ro ku ibuluku re esada phihọ.

1 Samuẹl 21:9

Orherẹn na da ta, Ọlọkọ ri Golayat rẹ ohwo ri Filistia, ru wo hweri vwẹ iyara rẹ Elah na, nighe, a phaero phihọ amwa vwẹ obuko rẹ adagba rẹ ibuluku na; wọ da sa reyọ ọyena, gba reyọ, kidie ọfa gbe hẹ etinẹ-ẹ jokpa rẹ ọyena ọvo. Devid da ta, Ọfa rha họhọ ọyena ọruẹ; vwọ kẹ vwẹ.

1 Samuẹl 22:18

Etiyin ovie da ta kẹ Doẹg, Kuoma rhẹriẹ re wo hwe irherẹn na. Doẹg rẹ ohwo rẹ Ẹdom na kuoma rhẹriẹ o de hwe irherẹn na, vwẹ ẹdẹ yena o de hwe ihwo ujọne gbẹ iyori ri ku ibuluku phihọ.

1 Samuẹl 23:6

Ọke rẹ Abiata rẹ ọmọ rẹ Ahimẹlẹk vwọ djẹ bru Devid vwi Keilah, ọ da yọnrọn ibuluku vwẹ obọ rọye.

1 Samuẹl 23:9

Devid riẹnre nẹ Sọl ra ruẹro riariẹ ọyẹ phihọ; ọda ta kẹ Abiata rẹ orherẹn na, Vwẹ ibuluku na rhe etinẹ.

1 Samuẹl 30:7

Devid da ta kẹ Abiata rẹ orherẹn, rẹ ọmọ rẹ Ahimẹlẹk, Vwẹ ibuluku vwo rhe vwe. Etiyin Abiata da vwẹ ibuluku na vwo rhe Devid.