Hosia 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Hosia 3:1 ပူးပေါင်းရင်းမြစ်များ

2 Samuẹl 6:19

Etiyin ọ da vwẹ ikara vẹ eranvwe vwọ kẹ ohwo ọvuọvo, te aye te ọshare, ọtiọye ọ je vwẹ udi kẹ ayen, ayen ki rhi kpo dohwo duwevwi rọye.

Ivie rẹ Ivẹ 13:23

Ẹkẹvuọvo Ọrovwohwo da vwẹ aroesiri vwo ni ayen, o de ni aruẹdọn rayen, o de rhivwi bru ayen rhe vwi fiki rẹ ọphọ rẹ ọ vẹ Ebraham, vẹ Azik kugbe Jekọp gba re, nẹ ọye gbe ghwọrọ aye-en, ọ rha djẹ ayen nẹ oma rhiri te nonẹ na-a.

1 Ikun rẹ Ivie 16:3

Ọ da ghare ikara vẹ eranvwe vẹ ikara ri rezin kẹ eshare vẹ aye ọvuọvo.

Nehemaya 9:31

Dede na vwe evun rẹ arodọvwẹ wẹn rode na wo ghwe furhie ayen te oba-a eyẹ sen aye-en, kidie wọwẹ Ọghẹnẹ re ehrọre ve arodọvwẹ.

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Ẹyano 32:6

Ayen de vrẹn vwẹ irhiọke ride, ayen de ze izobo rẹ ẹtorhẹ ayen da vwẹ izobo rẹ ufuoma rhe, ihwo na de tidia te otọ re ria rẹ ayen vwọ da, etiyin ayen de vrẹn ki gbe eha

Solomon 2:5

Vwẹ ukokodia rẹ ọkame vwọ ghẹre ovwẹ, vwẹ omamọ re orhomrẹ kẹ vwẹ re; kidie urhuru rẹ ọnse mẹ sivwe.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Jerimaya 3:20

Uyota, obo re aye ọfafarhiẹ yan jẹ ọshare rọye vwo ye, eriyin ovwan gbe ofarhiẹ rhurhu vwe, E uwevwi rẹ Izrẹl, eriyin Ọrovwohwo tare.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 4:11

Udi ekianke kugbe udi ọkpokpọ miẹ ayen iroro.

Hosia 7:5

Vwẹ ẹdẹ rẹ ovie re avwanre na, isun na de she ọga fiki rẹ ọrhorho rẹ udi, ọ vẹ otu re vwẹ ihwo jehwe gbe yoro obọ phia.

Emọs 2:8

Ayen mi sherhẹ kẹrẹ kaghada kaghada iwun re vwo viẹnwa keye ayen kuẹ phihọ vwerhe; evun rẹ uwevwi rẹ Ọghẹnẹ rayen kọye ayen da da idi, idi rẹ ihwo vwọ je oko

Emọs 6:6

re vwẹ okpa da udi, re vwẹ omamọ rẹ ori ọghaghare ghworo oma rayen, ẹkẹvuọvo eyere ri Josẹf ra guọghọre na da aye-en.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Matiu 26:50

Jesu da ta kẹ nẹ, Oko ru obo wọ vwi fiki rọye rhe. Ayen de ghwe shabọ phihọ, ayen de muo.

1 Kọrẹnt 10:21

Ovwan sa da uko re Ọrovwohwo vẹ uko rẹ idẹbono kugbe-e. Wọ sa re vwẹ imẹjẹ rẹ Ọrovwohwo kugbe imẹjẹ rẹ idẹbono-o.

1 Kọrẹnt 10:7

Ovwan rha dia egedjọ kirobo rẹ evo rẹ ayen ruru-u; kirobo re siro, Ihwo na tidia te otọ re ria re da ayen de vrẹn ki gbe eha.

1 Pita 4:3

Gbe jẹn ọke rọ wanre na te kẹ eruo rẹ obo ri Keferi guọnọ ruẹ, ri ruẹ fanrhiẹ fanrhiẹ, urhuru sivwe, idi-ẹda, re mrẹ ọre ghọghọ, idi-emuo, ẹdjọ ro gbegọ.

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.