Hosia 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Fiki rẹ ọtiọye na ke me rhoma reyọ ọka mẹ hirhe vwẹ ọke rọye, vẹ udi mẹ vwẹ ororo rọye, me je reyọ ẹton rẹ ogegede vẹ oruru mẹ, ro vwo rhurhu ẹban rọye.

Hosia 2:9 ပူးပေါင်းရင်းမြစ်များ

Izikiẹl 16:27

Nighe, fiki rẹ ọtiọye na, ke me riẹn obọ mẹ kpahe owẹ, ki mi ru ẹkẹn ute wẹn hanvwe, ki mi siobọ nẹ uwe kẹ urhuru sivwe rẹ ivwighrẹ wẹn, emetẹ rẹ ihwo ri Filistia, rẹ oma voro fiki rẹ ẹban wẹn.

Izikiẹl 16:39

Ki mi phi we phihọ obọ rẹ esen wẹn, kẹ ayen guọghọ uwevwi wẹn ri ghwroro na te otọ ayen mi kporo asan ro kpenu na te otọ; ayen me ghwiẹ emwa wẹn nẹ uwe oma ayen me reyọ evwarha iyoyovwi wẹn, ayen me yan ju we vwo ẹbẹban djoko.

Izikiẹl 23:26

Ke ayen ban wẹ phihọ ayen me ghwiẹ evwarha wẹn reyọ.

Daniẹl 11:13

Kidie ovie rẹ obọhwẹre ọnre je cha ghwa urogho buebu rhe, ri bunọ e rẹsosuọ, ikpe evo da wan nu, kọ cha ghwẹ unuofovwi rode rhe vẹ ekuakua buebu.

Hosia 2:3

me da rhe ban phihọ ọ da rhe dia kerẹ ọke re vwo vwiẹ, mi de rhi ruọ hirhe phihọ aghwa mi de rhe ruo hirhe phihọ otọ ọyaya, me da vwẹ urhuru rẹ ame hwe.

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Hosia 9:2

Utuwevwi re de wuye vẹ okọ ri vain gbe sa ghẹrẹ aye-en, udi ọkpokpọ ayen gbe cha mrẹ da-a.

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Zẹfanaya 1:13

E che gborho ekuakua rayen reyọ, ka kua iwevwi rẹ ayen fiotọ. Owene ayen bọn iwevwi dede, ayen cha sa dia aye-en; owenẹ ayen kọn ogba ri vain, ayen cha sa da udi ro hwẹ no rhe-e.

Malakae 1:4

Idọm da ta nẹ, a guọghọ avwanre ẹkẹvuọvo avwanre cha bọn ẹdia rọ guọghọre na ejobi, Ọrovwohwo rẹ otuofovwi na tare nẹ, Ayen che ghine bọn, ẹkẹvuọvo mi che kporo kuotọ, bẹsiẹ rẹ ihwo vwo mu odẹ kẹ ayen nẹ orho rẹ iruimwemwu, ihwo rẹ Ọrovwohwo mu kpahe bẹdẹ.

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.