Hosia 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

Hosia 2:8 ပူးပေါင်းရင်းမြစ်များ

1 Ikun rẹ Ivie 29:16

Ẹ Ọrovwohwo Ọghẹnẹ rẹ avwanre, ekuakua nana buebu na rẹ avwanre vwọ rhe na vwọ bọn uwevwi kẹ odẹ wẹn rẹ ọfuanfon na, obọ wẹn inurhe, je vwẹ ewẹn.

ỌBE RẸ JOB 19:8

Ọ gba ogba yariẹ idjerhe mẹ, rere mi vwo je wan vrẹn, o de phi ebri phihọ idjerhe mẹ.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 46:6

Ayen otu re rhaphie oro ne evun re ekpo rayen, re vwẹ uwan vwanvwọn idọno ri durhie odjogu, ro vwo duvwu ẹdjọ kẹ wẹ, etiyin ayen she diguẹ ayen me gọ!

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Izikiẹl 23:41

Wo de tidia agbara ra nabọ rhuẹrẹ fia, vẹ imẹjẹ ra nabọ rhuẹrẹ vwẹ obaro rọye ru wo phi ugboduma mẹ kugbe evwri mẹ phihọ.

Daniẹl 3:1

Ovie Nebukadreza da ma ẹdjọ rẹ oro, ugrogro rọye da dia kubit ujorha, ohẹhẹre rọye ke rha kubit esan. O de muo vi vwẹ uphephẹ ri Dura vwẹ unuakpọ ri Babilọn.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Hosia 13:1

Ọke rẹ Ifrem vwọ ta ota, ihwo de kpogho; a da kparọ kpenu vwẹ Izrẹl, ẹkẹvuọvo rọ vwọ wan oma ri Baal re abe o de ghwu.

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 4:11

Udi ekianke kugbe udi ọkpokpọ miẹ ayen iroro.

Hosia 8:4

Ayen vwẹ ivie mu, yẹ ẹkẹvuọvo ayen wan oma mẹ-ẹ. Ayen vwẹ isun mu, yẹ ẹkẹvuọvo me riẹnre-e. Idọnọ vẹ iro rayen ayen vwo duvwu ema, vwọ kẹ ẹghwọrọ rẹ ayen.

Habakọk 1:16

Fiki rẹ ọtiọye na ko ze izobo kẹ ariri rọye kọ tọrhẹ insẹns kẹ ugodo rẹ ariri rọye, kidie ayen ọ vwọ re akpọ, emu rọ ria pha tẹgbẹ yoyovwi.

Iyẹnrẹ Esiri ri Luk 15:13

O ji ghwe krinọ-ọ, ọ rẹ otete na ghwe kru eghwa rọye koko o ghwe muẹ o de kpo isiorho, kẹ oboyi ọ da rhaphiẹ ekuakua na ejobi kufia.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Urhi Rivẹ 8:18

wọ Me karohọ Ọrovwohwo Ọghẹnẹ wẹn na, kidie ọye vwẹ ogangan kẹ wẹ wo vwo fe na; rere ọ vwọ yọnrọn ọphọ rọye ro nene esẹ wẹn re, kirobo rọ epha nonẹ na.

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.