Hosia 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọ cha vwọ tua esen rọye, ẹkẹvuọvo ọ gbe djẹ mu aye-en kọ guọnọ ayen, jẹ ọ gbe mrẹ ayẹ-ẹn kọ ta, mẹ ra mi rhivwi bru ọsharẹ mẹ rẹ ẹsosuọ, kidie ọke yena o de me yovwi kẹ vwẹ nọ asakiephana.

Hosia 2:7 ပူးပေါင်းရင်းမြစ်များ

2 Ikun rẹ Ivie 28:23

Kidie o ze izobo kẹ ẹdjọ ri Damaskọs ri phiro kparobọ na, ọ da ta, Fikiridie ẹdjọ rẹ ovie ri Siria re cha ayen uko, mi ze izobo kẹ ayen sẹ ayen sa cha vwẹ uko. Ẹkẹvuọvo kẹ eye re so ughwu rọye, kugbe Izrẹl ejobi.

Une rẹ Ejiro 116:7

Rhivwi, E ẹnwẹ mẹ, kpo omerovwo wẹn; kidie Ọrovwohwo na nene uwe yeri wurhie wurhie.

Aizaya 30:16

ẹkẹvuọvo wọ tare nẹ, Ẹjo! Avwanre djẹ fafa vwẹ enu rẹ iyesi, vwẹ otiọye na gba djẹ yanran, yẹ, Avwanre ke gua vwe enu rẹ iyesi re eshare kpata kpata, vwẹ ọtiọye na ihwo re vwo tua wẹn na ke djẹ gangan.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Jerimaya 31:18

Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Izikiẹl 16:18

Wọ da reyọ iwun wẹn ra nabọ rhuo na vwo phopho ayen, wo de mu ori mẹ vẹ ugboduma mẹ vwọ kẹ ayen.

Izikiẹl 16:8

Ọke re me vwọ rhoma wanvrẹn wẹ ri mi vwo ni we, nighe, yu wo te ovwerhẹ nure; me da vwẹ ewun mẹ vwo phopho uwe, mi de rhurhu ẹban wẹn: uyota, me da sa wẹ hẹ otọ me vẹ owẹ da re ọphọ, eriyin Ọrovwohwo Ọghẹnẹ tare, wo de hirhe phihọ ọmẹ.

Izikiẹl 20:32

Obo ru wo roro vwẹ evun wẹn na cha sa phia-a iroro evun wẹ na, Jẹn avwanre dia kerẹ ẹgborho na, kerẹ orua rẹ irho na, re gọ urhe vẹ oragha.

Izikiẹl 23:12

O de pho krẹ krẹ mu ihwo rẹ Asiria, isun rayen, vẹ inotu rayen, egba rẹ ofovwi re nabọ gba oghan fia, ihwo re gua iyesi, ayen ejobi imighene re oma rẹ ayen vwerha ihwo.

Izikiẹl 23:22

Fiki rẹ ọtiọye na, E Oholibah, e nẹ Ọrovwohwo Ọghẹnẹ tare. Nighe, me cha kpare esen wẹn na vwọ so wẹ e re wọ djẹ kẹ fikiridie i phu we rhe, kc me kpare ayen vwọ so wẹ vwi kabọ kabọ.

Izikiẹl 23:4

Oholah ọye odẹ rẹ ọ rẹ ọkpako Oholibah kọyẹ odẹ rẹ oniọvo rọye rẹ otete. Ayen ivẹ na da rhe dia emẹ, ayen de vwiẹ emeshare kugbe emetẹ kẹ vwẹ. Vwọ kẹ odẹ rayen na, Oholah ọye Sameria, Oholibah ke rha Jerusalẹm.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:25

nẹ, a cha djẹ we nẹ ohri rẹ ihwo, wọ vẹ eranvwe rẹ aghwa kọye gba cha dia, ke che ru we vwọ re odi kerẹ erhuẹn, oma wẹ kọ kpọrhọ vẹ irho ro nẹ obo odjuvwu cha, ẹgbukpe ighwrẹ kọ wan wẹn vrẹn bẹsiẹ wọvwọ riẹn nẹ ọ rọ Me Kpenu ejobi ri suẹn uvie rẹ ihwo, nẹ ọ vwọ kẹ ohwo ro jere.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 13:6

Ẹkẹvuọvo rẹ evun vwọ vọn ayen nu, oma ko mu ayen, udu rayen da kpare kpenu. Ọye me da chọrọ ayen ẹro.

Hosia 14:1

Rhivwi, E Izrẹl, bru Ọrovwohwo Ọghẹnẹ wẹn kidie wọ kprowọ fiki rẹ orukuruku wẹn.

Hosia 2:16

Vwẹ ẹdẹ yena Ọrovwohwo da ta, ku wọ se vwẹ, Ọshare mẹ, wọ gbi se vwẹ Baal mẹ-ẹ.

Hosia 5:13

Ọke rẹ Ifrem vwọ mrẹ ọga rọye, ri Juda vwọ mrẹ omẹwan rọye, etiyin Ifrem de kpo Asiria, o de ji ohwo bru ovie rode na. Ẹkẹvuọvo o se sivwi uwe-e eyere sivwi ora wẹn kpo-o.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,