Hosia 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 2:5 ပူးပေါင်းရင်းမြစ်များ

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 6:8

Noma te, E Jerusalẹm, mi de rhe sioma nu we, mi de rhe ru we dia ofefe, rhe dia otọ re jẹ dia.

Izikiẹl 16:35

Ọtiọye na, E igberadja na, nyo ota rẹ Ọrovwohwo na.

Izikiẹl 16:39

Ki mi phi we phihọ obọ rẹ esen wẹn, kẹ ayen guọghọ uwevwi wẹn ri ghwroro na te otọ ayen mi kporo asan ro kpenu na te otọ; ayen me ghwiẹ emwa wẹn nẹ uwe oma ayen me reyọ evwarha iyoyovwi wẹn, ayen me yan ju we vwo ẹbẹban djoko.

Izikiẹl 16:4

Vwọ kẹ evwiẹ wẹn, vwẹ ẹdẹ rẹ vwiẹ wẹ na e bru uhohi wẹ-ẹn, eyẹ a vwẹ ame họ wẹ rere wọ vwọ fo-on, eyẹ a vwẹ ughweraka ghwuro uwe-e, eyẹ a vwẹ ukpoyibo vwọ phare owẹ-ẹ

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 2:2

Nene oni wẹn jẹ iroro, vuẹ kidie ọ gbe dia aye mẹ-ẹ, me gbe dia ọshare rọye-e nẹ o siobọ nẹ igberadja rọye, no si ọfarhiẹ nẹ udu rọye,

Hosia 2:8

Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

Hosia 3:1

Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Hosia 4:5

Wọ cha kpro owọ vwẹ oghẹruvo, ọmraro vẹ owẹ cha yẹnghrẹn vwẹ ason, ke me guọghọ oni wẹn.

Hosia 8:9

Kidie ayen yanran kpo Asiria, kerẹ ekẹtẹkẹtẹ rẹ ivuẹghwa ro di muẹ yan; Ifrem re durhie igbeyan.

Hosia 9:10

Kerẹ otiẹ vwẹ evun rẹ aghwa, ọtiọye me mrẹ Izrẹl. Kerẹ otumọ rẹ emamọ rẹ owe, re mọre vwẹ ọke ororo rọye, ọtiọye me mrẹ esẹ wẹn. Ẹkẹvuọvo ayen de bru Baal-peor rhe, ayen de rhi phorho oma ki Baal, Obo rẹ ayen guọnọre na de phi ayen phihọ ekuakua rẹ omaetuo.

Emọs 8:13

Vwẹ ẹdẹ yena emetobẹ iyoyovwi vẹ imighene ki shero fiki rẹ urhuruame.

Iguẹdjọ 16:23

Ọke nana ehọnvwọre ri Filistia ejobi de rhi koko rere ayen ze izobo rode kẹ Dagọn rẹ ẹdjọ rayen, rere ayen rhe ghọghọ, fikiridie ayen tare nẹ, Ẹdjọ rẹ avwanre phi Samsin ọvweghrẹ rẹ avwanre phihọ obọ rẹ avwanre nure.