Hosia 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Nene oni wẹn jẹ iroro, vuẹ kidie ọ gbe dia aye mẹ-ẹ, me gbe dia ọshare rọye-e nẹ o siobọ nẹ igberadja rọye, no si ọfarhiẹ nẹ udu rọye,

Hosia 2:2 ပူးပေါင်းရင်းမြစ်များ

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Jerimaya 19:3

Wọ me tanẹ, Nyo ota rẹ Ọrovwohwo na, E ivie ri Juda kugbe ihwo re dia Jerusalẹm, Enẹ Ọrovwohwo rẹ ofovwi na tare, Ọghẹnẹ rẹ Izrẹl, Nighe, me ghwa umiovwo cha etinẹ na rẹ erhọn kerhọn ro nyoro ejobi de shegbe.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Izikiẹl 16:20

Wo da reyọ emeshare vẹ emetẹ wẹn, ri wo vwiẹ kẹ vwẹ, enana keye wo vwo ze izobo kẹ ayen hwere. Wo rori nẹ igberadja wẹn na kẹ emu otete

Izikiẹl 16:25

vwẹ oba koba rẹ urhuvwu wọ da bọn asan ro kpenu kẹ oma wẹn ku wọ vwẹ erhuvwu wẹn gbe igberadja, wọ vwẹ oma wẹn ru ẹse kẹ ihwo re wanvrẹn, igberadja kegbe-egbe.

Izikiẹl 20:4

Wọ sa vwẹ ayen gu ẹdjọ, ọmọ rẹ ohwo, wọ sa vwẹ ayen gu ẹdjọ? Gbe jẹ ayen riẹn ẹgua rẹ esẹ ride rayen,

Izikiẹl 23:43

Etiyin me da ta, Ọ dianẹ ihwo gbe igberadja vwẹ ọke rẹ ayen de nene gbe ọfanrhiẹn na?

Izikiẹl 23:45

Ẹkẹvuọvo evwata ki che brorhiẹ rẹ eya ri gbe igberadja hwe ayen, kugbe eya ri sun ọbara te otọ; kidie igberadja ayen ruẹ, ọbara je hẹ abọ rayen rhe.

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 2:1

Ta kẹ oniọvo wẹn rẹ ọshare, Ihwo mẹ, ta kẹ oniọvo wẹn rẹ ọmọtẹ nẹ, Ọ mrẹ ehrọre reyọ.

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 4:5

Wọ cha kpro owọ vwẹ oghẹruvo, ọmraro vẹ owẹ cha yẹnghrẹn vwẹ ason, ke me guọghọ oni wẹn.

Maika 2:13

Ohwo ro bru unu phihọ kọ ruọ bru ayen ra; kẹ ayen guọghọ anurhoro na wanvrẹn, ọye ayen cha wan. Ovie rayen kọ ka obaro kẹ ayen, Ọrovwohwo na kọ dia obo uyovwi rayen.

2 Kọrẹnt 5:16

Vwẹ ọtiọye na, kẹ etinẹ ara re, vwẹ ẹbẹre rẹ ohwo rẹ akpọ avwanre gbi se ohwo ọvuọvo gbe emu-u; dede na ọtiọye avwanre ji ji Kristi ese gbe emu vwẹ ẹbẹre rẹ ohwo rẹ akpọ, avwanre rha reyọ phihọ ọtiọye ọfa-a.