Hosia 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Vwẹ ẹdẹ yena Ọrovwohwo da ta, ku wọ se vwẹ, Ọshare mẹ, wọ gbi se vwẹ Baal mẹ-ẹ.

Hosia 2:16 ပူးပေါင်းရင်းမြစ်များ

Jẹnẹsis 34:3

Erhi rọye de churu mui Dinah ọmọtẹ ri Jekọp na; ivun rọye da vwerhọ ọ da ta ota dẹndẹn vwọ kẹ.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 3:14

Kurhẹriẹ ovwan emọ rẹ igberadja na, eriyin Ọrovwohwo tare, kidie mẹvwẹ onini wẹn, me cha reyọ ovwan ọvuọvo nẹ orere, kugbe ivivẹ nẹ orua, ke me reyọ ovwan rhe Zayọn.

Izikiẹl 20:35

Me cha reyọ owẹ rhe aton rẹ ihwo, ke etiyin me vẹ owe de hirhe aro ku ohwohwo de gu ẹdjọ.

Hosia 2:7

Ọ cha vwọ tua esen rọye, ẹkẹvuọvo ọ gbe djẹ mu aye-en kọ guọnọ ayen, jẹ ọ gbe mrẹ ayẹ-ẹn kọ ta, mẹ ra mi rhivwi bru ọsharẹ mẹ rẹ ẹsosuọ, kidie ọke yena o de me yovwi kẹ vwẹ nọ asakiephana.

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

2 Kọrẹnt 11:2

Me hẹ evu rẹ omaẹriọ ro nẹ obenu rhe kpahe ovwan, kidie me sa ovwan vwọ hẹ otọ kẹ Kristi rere ovwan dia omamọ rẹ ọpha kẹ ọshare ọvuọvo na.

Ẹvwọphia 19:7

E jẹn avwanre ghọghọ re a kparọ kpenu ra vwẹ urinrin kẹ, kidie orọvwe rẹ Omogodẹ na tere, Ọpha rọye choma rọye nure;

Iguẹdjọ 19:3

Etiyin ọshare rọye na de bro ra rere o rhivwi bro rhe uwevwi. Ọ da reyọ idibo rọye kugbe ekẹtẹkẹtẹ ivẹ nene oma yanran. Ọ da rhe uwevwi rẹ ọsẹ rẹ aye na; ọke rẹ ọsẹ rẹ ọmọtẹ na vwọ mrẹ, ọ da rhe vwa vẹ aghọghọ.

Rutu 2:13

Etiyin ọ da ta, Wo nẹ arodọrvwe kẹ vwẹ gangan, Ọrovwovwe, kidie wo bru vwe uche wọ da ta ota rẹ aruẹdọ kẹ ọmọtẹ wẹn, je me dia ọvo vwẹ usun rẹ idibo wẹn rẹ emetẹ-ẹ.